+
+

एमडीएमएस प्रणाली तत्काल लागु गर्न मोबाइल व्यवसायी महासंघको माग

अनलाइनखबर अनलाइनखबर
२०८१ जेठ २५ गते १४:४४

२५ जेठ काठमाडौं । नेपाल मोबाइल व्यवसायी महासंघले मोबाइल फोनमा तत्काल एमडीएमएस प्रणाली लागु गर्न माग गरेको छ ।

काठमाडौंमा शुक्रबारदेखि सुरु महासंघको दोस्रो महाधिवेशनमार्फत महासंघले मोबाइल फोनको अवैध कारोबार रोक्न तत्काल एमडीएमएस प्रणाली लागु गर्नुपर्ने माग गरेको हो ।

‘एमडीएमएस प्रणाली लागु नहुँदा अवैध कारोबार बढ्दो छ, यसलाई रोक्न सरकारले ध्यान देओस्, सरकारले त्यसका लागि तत्काल एमडीएमएस प्रणाली लागु गर्नुपर्छ,’ महासंघका अध्यक्ष भरत भट्टराईले महाधिवेशन उद्घाटनमा भने ।

ग्रे फोन अर्थात् भन्सार छलीबाट भित्रिएका मोबाइलले नेपालको व्यवसाय मारमा परेको र देशको राजस्व समेत गुमेको उनको भनाइ छ ।

‘भन्सार छलेर भित्रने मोबाइलले बजार बिगारेको छ, त्यसले गर्दा देशको राजस्वमा वार्षिक अर्बौं रुपैयाँ घाटा भइरहेको छ, ग्रे फोनको बढ्दो कारोबार तत्काल नरोक्ने हो भने अवस्था झन बिग्रने खतरा छ,’ भट्टराईले भने ।

महाधिवेशन मार्फत महासंघको आगामी कार्यकालका लागि नयाँ नेतृत्व चयन हुँदैछ ।

महाधिवेशनका लागि ७० जिल्लाबाट करिब एक हजार प्रतिनिधि सहभागी भएका छन् ।

यो खबर पढेर तपाईलाई कस्तो महसुस भयो ?
Khusi chhu

खुसी

Dukhi chhu

दुःखी

Achammit chhu

अचम्मित

Utsahit Chhu

उत्साहित

Akroshit Chhu

आक्रोशित

प्रतिक्रिया

भर्खरै पुराना लोकप्रिय
Advertisment

धेरै कमेन्ट गरिएका

छुटाउनुभयो कि ?