७ असार, काठमाडौं । युरो कप २०२४ अन्तर्गत बिहीबार राति भएको खेलमा इंग्ल्याण्डले डेनमार्कसँग १-१ को बराबरी खेलेको छ ।
फ्रांकफर्ट एरेनामा भएको खेलमा इंग्ल्याण्डले सुरुवाती अग्रता लिएपनि जोगाउन नसक्दा बराबरीमा रोकिएको हो ।
खेलको १८औं मिनेटमा कप्तान ह्यारी केनले गोल गर्दै इंग्ल्याण्डाई अग्रता दिलाएका थिए । तर त्यो अग्रता लामो समय टिकेन । डेनमार्कका मार्टेन हलमन्डले ३४औं मिनेटमा गोल गर्दै खेल १-१ को बराबरीमा पुर्याए ।
दोस्रो हाफमा दुवै टोलीले गोल थप्न नसक्दा खेल १-१ को बराबरीमा सकियो । बराबरीपछि इंग्ल्याण्डले एक खेल अगावै नकबउट चरणमा प्रवेश गर्ने मौका गुमाएको छ ।
दुई खेलबाट इंग्ल्याण्ड ४ अंकसहित समूह सी को शीर्ष स्थानमा छ । इंग्ल्याण्डले पहिलो खेलमा सर्वियालाई १-० ले पराजित गरेको थियो ।
डेनमार्कको भने यो लगातार दोस्रो बराबरी हो । यसअघि पहिलो खेलमा डेनमार्क स्लोभेनियासँग १-१ कै बराबरीमा रोकिएको थियो । डेनमार्क २ अंकसहित दोस्रो स्थानमा छ ।
अब अन्तिम खेलमा इंग्ल्याण्डले स्लोभेनियासँग तथा डेनमार्कले सर्वियासँग खेल्नेछ ।
Results
यो खबर पढेर तपाईलाई कस्तो महसुस भयो ?
खुसी
दुःखी
अचम्मित
उत्साहित
आक्रोशित
प्रतिक्रिया
Hot Properties
.jpeg)
प्रतिक्रिया 4