शिव परियारले ल्याए ‘हदभन्दा बढी’

हदभन्दा बढी माया गरेर आज यो गति भो

हिजो हँसाउने आज रुवाउने कस्तो पिरती हो

तिमी नभएपनि हाँसेकै थिएँ

तिमी नभएपनि बाँचेकै थिएँ

व्यर्थै मनको क्षति भो

गायक शिव परियारको नयाँ गीत ‘हदभन्दा बढी’का शब्द हुन् यी । प्रेममा धोका पाएको भावको यो गीतमा विशाल परियारको शब्द, संगीत तथा एरेन्ज छ ।

प्रेमको नाटक गरेर जीवन नै तहसनहस पारिदिन षड्यन्त्र रचिएको कथा गीतको भिडियोमा प्रस्तुत गरिएको छ । निकेश खड्काले निर्देशन गरेको भिडियोमा आकाश श्रेष्ठ र प्रिज्मा खतिवडा फिचर्ड छन् ।

भिडियोमा दिनेश पराजुलीको छायांकन र विकास धमलाको सम्पादन तथा कलर संयोजन छ । भिडियोलाई ‘मेलोडी प्लस’ युट्युब च्यानलमा रिलिज गरिएको छ ।