२० महिनापछि तोकियो संघीय संसदको संयुक्त समिति सभापति निर्वाचन

२९ साउन, काठमाडौं। संघीय संसदको दुई वटा संयुक्त समितिको सभापतिको निर्वाचन यही साउन ३१ गते हुने भएको छ ।

मंगलबार प्रतिनिधि सभाको बैठकमा सभामुख देवराज घिमिरेले संसदीय सुनुवाइ समिति र राज्यका निर्देशक सिद्धान्त, नीति दायित्वको कार्यान्वयन अनुगमन तथा मूल्यांकन समितिको सभापतिको निर्वाचनको मिति तोकेको जानकारी गराएका हुन् ।

प्रतिनिधि सभा र राष्ट्रिय सभाअन्तर्गतका समितिका सभापतिहरुको निर्वाचन भएता पनि यी दुई समितिको सभापतिको निर्वाचन हुन सकिरहेको थिए ।

४ मंसिर २०७९ मा भएको निर्वाचनबाट आएको प्रतिनिधि सभामा यी दुई समिति गठन भएता पनि सभापतिको निर्वाचन हुन सकिरहेको थिएन ।

निर्वाचनको २० महिनापछि संघीय संसदको दुवै संयुक्त समितिको सभापतिको निर्वाचनको मिति तोकिएको हो ।