१२ भदौ, काठमाडौं । चार जना सशस्त्र प्रहरी नायव महानिरीक्षक (डीआईजी)को सरुवा भएको छ ।
गृहमन्त्रीस्तरको भदौ १२ गतेको निर्णय अनुसार ४ जना सशस्त्र प्रहरी नायव महानिरीक्षकको सरुवा भएको हो ।
सशस्त्र प्रहरी मुख्यालयका अनुसार सशस्त्र प्रहरी बल नेपाल नं-५ विन्ध्यवासिनी बाहिनी मुख्यालय रुपन्देहीमा कार्यरत डीआईजी अभिकुमार खत्रीलाई प्रधान कार्यालयस्थित मानव स्रोत साधन विभागमा ल्याइएको छ ।
सशस्त्र प्रहरी बल, नेपाल नं.६ महेश्वरी बाहिनी मुख्यालय सुर्खेतमा कार्यरत डीआईजी दुर्गाप्रसाद भट्टराईलाई राष्ट्रिय सुरक्षा परिषद्को सचिवालय सिंहदरबारमा सरुवा गरिएको छ ।
सुरक्षा परिषद्मा रहेका डीआईजी प्रदीपकुमार पाललाई सशस्त्र प्रहरी बल नेपाल नं-५ विन्ध्यवासिनी बाहिनी मुख्यालय रुपन्देहीमा पठाइएको छ ।
त्यसैगरी सशस्त्र प्रहरी बलको प्रधान कार्यालय स्रोत साधन विभागमा कार्यरत डीआईजीलाई सशस्त्र प्रहरी बल नेपाल नं-६ महेश्वरी बाहिनी मुख्यालय सुर्खेतमा सरुवा गरिएको छ ।
यो खबर पढेर तपाईलाई कस्तो महसुस भयो ?
खुसी
दुःखी
अचम्मित
उत्साहित
आक्रोशित
प्रतिक्रिया
Hot Properties
.jpeg)
प्रतिक्रिया 4