२०८१ मंसिर ५ गते १८:३४ 
५ मंसिर, काठमाडौं । नेपाल प्रिमियर लिग (एनपिएल) को फ्रेन्चाइज टोली चितवन राइनोजको मुख्य प्रायोजकको रुपमा ब्लु स्टार जोडिएको छ ।
घरेलु सामाग्री उत्पादक ब्लु स्टारका प्रतिनिधी प्रतिक पन्त र चितवन राइनोज टिमका अध्यक्ष आयुष न्यौपानेबीच बुधबार सम्झौतामा हस्ताक्षर भएको चितवन राइनोजले विज्ञप्तीमार्फत जनाएको छ ।
ओजस्वी इलेक्ट्रोनिक्स प्रालीका अध्यक्ष तथा ब्लु स्टारका प्रतिनिधि पन्तले चितवन राइनोजसँग यो सहकार्य गर्न पाउँदा खुसी लागेको बताए । ‘हामीले उत्साहका साथ यो साझेदारी गरेका छौँ । यसले नेपालको क्रिकेटलाई नयाँ उचाईमा पुर्याउने विश्वास छ ।’ पन्तले चिनवमा रंगशाला बन्दै गरेको र क्रिकेट संस्कृति निर्माण गर्ने योजना रहेको बताए ।
यस्तै चितवन राइनोजका अध्यक्ष आयुष न्यौपानेले सो साझेदारीले नेपाली क्रिकेटलाई नयाँ उचाईमा पुर्याउन मदत गर्ने बताए ।
चितवन राइनोजले सोमबार चितवनमा एक कार्यक्रम आयोजना गर्दै टोलीको आधिकारिक जर्सी, एन्थम र मस्कट सार्वजनिक गरेको थियो ।
राष्ट्रिय टिमका अलराउण्डर कुशल मल्ल मार्की प्लेअर रहेको चितवनको मुख्य प्रशिक्षकमा उमेश पटवाल छन् ।
८ टिमको सहभागिता रहेको एनपीएलको पहिलो संस्करण यही मंसिर १५ देखि पुस ६ गतेसम्म कीर्तिपुरस्थित टीयू मैदानमा हुनेछ ।
प्रतिक्रिया 4