२०८१ पुष ७ गते १९:५९ 
७ पुस, काठमाडौं । यू-१९ मैत्रूपर्ण महिला फुटबलमा नेपाल भुटानसँग बराबरीमा रोकिएको छ । आइतबार भएको नेपाल यू१९ महिला टिम र भुटान यू१९ महिला टिमको खेल १-१ को बराबरीमा सकिएको हो ।
त्रिपुरेश्वरस्थित दशरथ रंगशालामा भएको खेलमा नेपालले अग्रता जोगाउन नसक्दा भुटानसँग बराबरीमा रोकिएको हो । खेलको पहिलो हाफ गोलरहितमा बराबरीमा सकिएको थियो ।
दोस्रो हाफको सुरुमै सुशिला केसीले नेपाललाई अग्रता दिलाइन् । ४७औं मिनेटमा सुशिलाको गोलमर्फत नेपालले अग्रता लिएपनि त्यसलाई कायम राख्न सकेन ।
भुटानका लागि फुन्त्सो छोडेनले ८१औं मिनेटमा बराबरी गोल फर्काइन् । यू-१९ महिला फुटबलमा नेपालविरूद्ध भुटानले पहिलो पटक गोल गरेको हो ।
प्रतिक्रिया 4