२०८१ माघ १८ गते १६:५९ 
१८ माघ, काठमाडौं । चौथो वाको इन्डियन ओपन किक बक्सिङ प्रतियोगितामा सहभागी हुन ४ पुरुष खेलाडीसहित ५ सदस्यीय नेपाली टोली शुक्रबार भारतको नयाँ दिल्ली प्रस्थान गरेको छ ।
फेब्रुअरी १ देखि ५ तारिखसम्म हुने प्रतियोगितामा नेपालबाट ६७ केजीमुनि सुनिम श्रेष्ठ, ५४ केजीमुनि आशिक कोली तथा ५१ केजीमुनि चिरन राई र भक्तराज जोशी प्रतिस्पर्धा गर्नेछन् ।
नेपाली टिमको प्रशिक्षकमा दिवान्स श्रेष्ठ छन् । वाको इन्डिया किकबक्सिङ फेडेरेसनको आयोजनामा हुने प्रतियोगिता नयाँ दिल्लीको इन्धिरा गान्धी स्पोर्ट्स कम्प्लेक्सस्थित के डी जाधव इन्डोर स्टेडियममा हुनेछ ।
टोलीलाई सफलताको शुभकामना दिदै राष्ट्रिय खेलकुद परिषद्का सदस्य सचिव टंकलाल घिसिङले शुक्रबारै एक कार्यक्रमबीच बिदाइ गरेका थिए ।
प्रतिक्रिया 4