२२ चैत, काठमाडौं । राष्ट्रिय प्रजातन्त्र पार्टी (राप्रपा) ले गत चैत १५ गते भएको तीनकुने घटनाबारे राष्ट्रिय मानव अधिकार आयोगको ध्यानाकर्षण गराएको छ ।
राप्रपाले सरकारको तर्फबाट भएको दमन, घुसपैठ र झुठा मुद्दामा पार्टीका नेताहरू पक्राउ परेको भन्दै राप्रपाले मानव अधिकार आयोगको ध्यानाकर्षण गराएको हो ।
राप्रपाको प्रतिनिधिमण्डल आज आयोगको केन्द्रीय कार्यालय पुगेर आयोगका अध्यक्ष तपबहादुर मगर, सचिव मुरारी खरेल लगायतसँग छलफल गरेको हो ।
छलफलपछि आयोगका अधिकारीले राप्रपाले उठाएको विषयमा आफूहरूको ध्यानाकर्षण भएको बताएको प्रवक्ता मोहन कुमार श्रेष्ठले जानकारी दिए ।
आयोगमा राप्रपाका महामन्त्रीद्वय राजेन्द्र गुरुङ र शरदराज पाठक, प्रवक्ता मोहन कुमार श्रेष्ठ, मुख्य सचिव केदारबहादुर अधिकारी, केन्द्रीय नेताहरू अमृत पुडासैनी, निरुपमा यादव, खुश्बु ओली, उद्धवराज भेटवाल, सजिना कार्की, रविकिरण हमाल लगायत सहभागी थिए ।
यो खबर पढेर तपाईलाई कस्तो महसुस भयो ?
खुसी
दुःखी
अचम्मित
उत्साहित
आक्रोशित
प्रतिक्रिया
Hot Properties
प्रतिक्रिया 4