मोरङमा बाढीग्रस्त क्षेत्र पुनर्निर्माण गर्न माग

News Summary

Generated by OK AI. Editorially reviewed.

सांसद ऋषिकेश पोखरेलले मोरङ जिल्लामा वर्षायामको समयमा भएको क्षतिग्रस्त क्षेत्रहरुको पुनर्निर्माणको आवश्यकतामा सरकारको ध्यानाकर्षण गराएका छन्।
उनीले आठवटा खोलाहरुको बाढी र कटानले भएको क्षतिलाई उल्लेख गर्दै तत्काल प्राथमिक उपचार र बजेटको माग गरेका छन्।
वर्षायाम सुरु हुन लागेकाले थप जोखिम हुन सक्ने भन्दै उनले सरकारलाई तुरुन्तै कदम चाल्न आग्रह गरेका छन्।

२८ वैशाख, काठमाडौं । सांसद ऋषिकेश पोखरेलले मोरङमा गत वर्षको वर्षायाममा क्षतिग्रस्त ठाउँहरु अहिले पनि उस्तै रहेको भन्दै पुनर्निर्माणका लागि सरकारको ध्यानाकर्षण गराएका छन् ।

प्रतिनिधि सभाको आजको बैठकमा पोखरेलले मोरङ जिल्लामा रहेका उत्तर–दक्षिण बग्ने विशेषत आठवटा खोलाहरु, रतुवा, मावा, बक्राहा, डाँस, चिसान, लुहान्द्रा, सिंगिया र केसलियाको बाढीले अघिल्लो वर्ष भत्किएका ठाउँहरु र कटानले बिगारेका ठाउँहरु अहिलेसम्म अलपत्र अवस्थामा रहेको भन्दै ध्यानाकर्षण गराए ।

उनले फेरि वर्षायाम सुरु हुन लागेकाले भयावह परिस्थिति सिर्जना हुनसक्नेतर्फ सरकारको ध्यानाकर्षण गराए ।

‘त्यसकारण सभामुखमार्फत् नेपाल सरकारलाई अनुरोध गर्न चाहन्छु, तत्काल त्यो अघिल्लो वर्ष कटान भएका क्षेत्रहरुको प्राथमिक उपचार र आगामी वर्षका लागि आवश्यक र उपयुक्त बजेट छुट्याइ ती खोलाहरु नियन्त्रण गर्नका निम्ति म जोडदार माग गर्दछु,’ पोखरेलले भने ।