मन्त्रिपरिषद्‌बाट स्वीकृत निर्णय ढिलो थाहा पाउँदा जापान गएनन् बालेन

News Summary

Generated by OK AI. Editorially reviewed.

काठमाडौं महानगरपालिकाका मेयर बालेन्द्र (बालेन) साहले जापान भ्रमण रद्द गरेका छन्।
भ्रमण रद्द हुनुको मुख्य कारण भनेको निर्णयको जानकारी समयमा नपुग्नु रहेको उनको सचिवालयले बताएको छ।
मन्त्रिपरिषद्ले २५ वैशाखमै भ्रमण स्वीकृत गरेको भए पनि औपचारिक निर्णय आज मात्रै सार्वजनिक भएको थियो।

१ जेठ, काठमाडौं । काठमाडौं महानगरपालिकाका मेयर बालेन्द्र (बालेन) साहले जापान भ्रमण रद्द गरेका छन् ।

मेयर बालेनको सचिवालयका अनुसार मन्त्रिपरिषद्ले भ्रमण स्वीकृत गर्ने निर्णय ढिलो गरेर जानकारी दिँदा रद्द भएको जनाएको छ ।

‘गत बिहीबार निर्णय भएको रहेछ, आइतबारको फ्लाइट थियो । अनि, आइतबार नै औपचारिक जानकारी आयो । त्यही भएर त्यति छोटो समयमा तयारी पुगेन अनि भ्रमण रद्द भयो,’ मेयर बालेनको सचिवालयका एक सदस्यले भने ।

ती सदस्यका का अनुसार, अनौपचारिक जानकारी त शुक्रबार नै आएको थियो । तर मन्त्रिपरिषद्ले निर्णय गरेर प्रमुख प्रशासकीय अधिकृत पठाउँछु भनेको २/३ महिना हुँदा त आएको छैन भने मन्त्रिपरिषद्को कुरा पत्याइहाल्ने अवस्था पनि नभएको सचिवालय सदस्य बताउँछन् ।

मन्त्रिपरिषद्ले २५ वैशाखमै ३० वैशाखदेखि १ जेठसम्म जापानमा हुने स्मार्ट सिटी सम्बन्धी इन्टरनेसनल ट्रेनिङ वर्कसपमा जाने बालेनको भ्रमण स्वीकृत गरेको थियो ।

तर, मन्त्रिपरिषद् निर्णय औपचारिक रूपमा आज मात्रै सार्वजनिक भएको हो ।