बालेनले फेरे ४ वटा समितिका संयोजक

News Summary

Generated by OK AI. Editorially reviewed.

काठमाडौं महानगरपालिकाका प्रमुख बालेन्द्र शाहले कार्यपालिका अन्तर्गतका ४ वटा समितिका संयोजकहरूमा जिम्मेवारी हेरफेर गरेका छन्।
नयाँ संयोजकहरूमा सूचना प्रविधि समितिका वीरेन्द्र प्रजापति, सुशासन समितिका दलबहादुर कार्की, सम्पदा तथा पर्यटन समितिका विनोद कुमार राजभण्डारी र विधायन समितिका रोजिना श्रेष्ठ रहेका छन्।
यसले समितिहरूको कार्यक्षमता र जिम्मेवारी वितरणमा परिवर्तन ल्याएको छ।

१ जेठ, काठमाडौं । महानगरपालिकाका प्रमुख बालेन्द्र शाह (बालेन) ले कार्यपालिका अन्तर्गतका ४ वटा समितिमा संयोजकहरूको जिम्मेवारी हेरफेर गरेका छन् ।

सूचना प्रविधि समितिका संयोजक नवीन मानन्धर, सुशासन समितिका संयोजक ख्यामराज तिवारी, सम्पदा तथा पर्यटन समितिका संयोजक आशामान संगत र विधायन समितिका संयोजक मचाराजा महर्जनको जिम्मेवारी हेरफेर गरिएको हो ।

काठमाडौं महानगरपालिका, नगर कार्यपालिका (कार्य सम्पादन) नियमावली २०७४ को नियम १५ बमोजिम गठन भएको समितिका संयोजकको जिम्मेवारी फिर्ता गरेर उपनियम (१) बमोजिम नयाँ संयोजक तोकिएको पत्रमा उल्लेख गरिएको छ ।

जस अनुसार सूचना प्रविधि समितिका संयोजक वीरेन्द्र प्रजापती, सुशासन समितिका संयोजक दलबहादुर कार्की, सम्पदा तथा पर्यटन समितिका संयोजक विनोद कुमार राजभण्डारी र विधायन समितिका रोजिना श्रेष्ठ संयोजक तोकिएका छन् ।