२१ साउनदेखि ‘नाइमा नेपाल मोबिलिटी एक्स्पो’

News Summary

Generated by OK AI. Editorially reviewed.

नेपाल अटामोबाइल इम्पोर्टर्स एन्ड मेनुफ्याक्चरर्स एसोसिएसनले ‘मोबिलिटी एक्स्पो’ आयोजना गर्ने घोषणा गरेको छ।
एक्स्पोको लागि ४४ स्टल व्यवस्थापन भए पनि ४८ निवेदन परेको र थप स्टल आवश्यक परेको नाइमाले जनाएको छ।
एक्स्पो २१ देखि २५ साउनसम्म भृकुटीमण्डपमा आयोजना हुनेछ, जसमा विभिन्न ब्रान्डका सवारी साधन सहभागी हुनेछन्।

६ जेठ, काठमाडौं । नेपाल अटामोबाइल इम्पोर्टर्स एन्ड मेनुफ्याक्चरर्स एसोसिएसन (नाइमा) ले पहिलो पटक ‘मोबिलिटी एक्स्पो’ गर्ने भएको छ ।

२१ देखि २५ साउनसम्म ‘नाइमा नेपाल मोबिलिटी एक्स्पो २०२५’ हुन लागेको हो । भृकुटीमण्डपमा हुने एक्स्पोका लागि ४४ स्टलको व्यवस्थापन भए पनि हालसम्म ४८ स्टल बुकिङको निवदेन परेको नाइमाले जनाएको छ । जसका कारण स्टल थप गर्र्नुपर्ने अवस्था समेत आएको छ ।

मोबिलिटी एक्स्पोमा ४ पाङ्ग्रे ब्रान्डहरू बीवाईडी, सिट्रोन, फर्थिङ, ग्रेटवाल मोटर्स, हेनरी भोल्ट्स, हुन्डाई, कार्र्ई, किया, लिप मोटर, एलईभी वन, महिन्द्रा, म्याक्सस, माज्दा, एमजी, मित्सुबिसी, निसान, ओमोडा एन्ड जेक्को, प्युजो, प्रोटोन, रेनो, टोयोटा, फक्सवागन र जिकर सहभागी हुनेछन् ।

यस्तै दुई पाङ्ग्रे सवारी साधनमा एम्पिएर, एथर, बजाज, बेनेली, सीएफमोटो, गोगोरे, होन्डा, केटीएम, महिन्द्रा, एनआईयू, रेभोल्ट, रोयल इनफिल्ड, सेगवेनाइनबट, सुजुकी ट्रियुम्फ, टीभीएस, अल्ट्राभायलेट, यद्दा, जेइयो ब्रान्ड छन् ।

यस्तै कमर्सियल गाडीमा चेरीवान्दा, डोङफेङ, फरिजोन, हुवाजी, कामा, कारे, किङलङ, सनलङ जस्ता ब्रान्ड सहभागी हुने नाइमाले जनाएको छ ।

नाडा अटोमोबाइल एसोसिएसन अफ नेपालले गर्दै आएको नाडा अटो शोको काउन्टरमा भर्खरै खुलेको नाइमाले मोबिलिटी एक्स्पो गर्न लागेको हो ।