चितवनमा स्विमिङ पुलमा युवकको मृत्यु, अनुसन्धानका लागि साथीहरू पक्राउ

News Summary

Generated by OK AI. Editorially reviewed.

चितवनको इच्छाकामना गाउँपालिका–७ स्थित दाहाखानी भिउ रिसोर्टको स्विमिङ पुलमा २५ वर्षीय लोकेश महतोको मृत्यु ।
महतो आफ्ना साथीहरूसँग गएका थिए र पुलबाट उद्धार गरी पुरानो मेडिकल कलेज ल्याइयो तर चिकित्सकले मृत घोषणा गरे ।
प्रहरीले घटनाको अनुसन्धानका लागि साथीहरूलाई नियन्त्रणमा लिएको छ ।

७ जेठ, चितवन । चितवनको इच्छाकामना गाउँपालिका–७ स्थित दाहाखानी भिउ रिसोर्टको स्विमिङ पुलमा एक युवकको मृत्यु भएको छ । भरतपुर महानगरपालिका–२२ का २५ वर्षीय लोकेश महतोको मृत्यु भएको प्रहरीले जनाएको छ ।

महतो आफ्ना १० जना साथीहरूसँग म‌गलबार साँझ ६ बजेतिर रिसोर्टमा गएका थिए । त्यहीँ खाजा खाइसकेपछि उनले स्विमिङ पूलमा नुहाउन गएका थिए ।

लामो समयसम्म नफर्किएपछि साथीहरूले खोज्दा स्विमिङ पुलको पानीमा तैरिरहेको अवस्थामा फेला पारेको प्रहरीले जनाएको छ ।

उनलाई उद्धार गरी राति साढे १२ बजे उपचारका लागि पुरानो मेडिकल कलेज, भरतपुर पुर्‍याइए पनि चिकित्सकले मृत घोषणा गरेका थिए ।

घटनाको अनुसन्धानका लागि इलाका प्रहरी कार्यालय मुग्लिङबाट टोली खटिएको थियो।

प्रहरीले आवश्यक अनुसन्धानका लागि मृतक महतोसँगै गएका साथीहरुलाई नियन्त्रणमा लिएको छ । उनीहरुलाई जिल्ला प्रहरी कार्यालय चितवनमा राखेर सोधपुछ गरिएको प्रहरीले जनाएको छ ।

प्रहरीले घटनाबारे आफन्तलाई जानकारी गराएर थप अनुसन्धान गरिरहेको जनाएको छ ।

नियन्त्रणमा लिइएका महतोका साथीहरु

१. सुमन थापा (२२), भरतपुर–२२

२. प्रविण घिमिरे (२६), भरतपुर–२२

३. आदेश सुबेदी (२६), भरतपुर–१३

४. आशिष शर्मा (२९), भरतपुर–१४

५. मेघलाल चुंडाल (५७), काठमाडौं-२२ जोरपाटी

६. दिपेश महत्तो (२६), भरतपुर–२२

७. शुबु खत्री (१९), भरतपुर–२२

८. नारायण बस्नेत (२६), सुन्दरबजार–१, लमजुङ