२०८२ जेठ ८ गते १९:४८ 
News Summary
Generated by OK AI. Editorially reviewed.- नेपालले युकेमा भएको टी-२० अभ्यास खेलमा ग्लोसेस्टरशायरलाई ७३ रनले हरायो।
- नेपालले १९५ रनको लक्ष्य दिएको थियो ।
- नेपालले यसपछि अर्को टी-२० खेल पनि खेल्ने छ।
८ जेठ, काठमाडौं । स्कटल्याण्डमा हुने लिग २ र टी-२०आई शृंखलाअघि अभ्यासका लागि युकेमा रहेको नेपाली टोलीले बिहीबार ग्लोसेस्टरशायरसँगको टी-२० अभ्यास खेलमा सहज जित निकालेको छ ।
नेपालले ग्लोसेस्टरशायरको दोस्रो रोजाइको टिमलाई लाई ७३ रनले हराएको हो । नेपालले दिएको १९५ रनको लक्ष्य पछ्याएको ग्लोसेस्टरशायर १७.३ ओभरमा १२१ रनमा अलआउट भयो ।
जेम्स मात्राभर्सले सर्वाधिक ३७ रन बनाए । नेपालका नन्दन यादव, सन्दीप लामिछाने र बसिर अहमदले २-२ विकेट लिए भने रिजन ढकाल, करण केसी, सोमपाल कामी र कुशल भुर्तेलले १-१ विकेट लिए ।
त्यसअघि टस हारेर पहिले ब्याटिङ गरेको नेपालले २० ओभरमा ६ विकेट गुमाएर १९४ रन बनाएको थियो । नेपालका लागि कुशल भुर्तेलले सर्वाधिक ४६ रन बनाए । ३० बल खेलेका उनले ६ चौका र २ छक्का प्रहार गरे ।
त्यस्तै रोहित पौडेलले ३५, दिपेन्द्रसिंह ऐरीले ३२ र अनिल साहले २९ रन बनाए । आरिफ शेख ९ बलमा २२ रनमा अविजित रहँदै फिनिसिङ क्यामिओ खेले ।
ग्लोसेस्टरशायरका लागि डेभिड पेन र अमन राओले २-२ विकेट लिए । डारुश अहमद र अहमद साइदले १-१ विकेट लिए ।
नेपालले यही टोलीसँग फेरि केहीबेरमा अर्को टी-२० खेल्ने तय छ ।
प्रतिक्रिया 4