२०८२ जेठ ९ गते १५:१३ 
News Summary
Generated by OK AI. Editorially reviewed.- प्लानिङ ब्वाइज युनाइटेडले शहीद स्मारक बी डिभिजन लिग फुटबलमा अपराजित रह्यो।
- फागुराम थारुले ५ गोल गरेपछि प्लानिङले टुसाल युथ क्लबलाई ८-३ गोलअन्तरले हराएको हो ।
- टोखाको श्री भगवती क्लब पनि ए डिभिजनमा बढुवा भएको छ।
९ जेठ, काठमाडौं । फागुराम थारु एक्लैले ५ गोल गरेपछि प्लानिङ ब्वाइज युनाइटेड फराकिलो जित निकाल्दै शहीद स्मारक बी डिभिजन लिग फुटबलमा अपराजित च्याम्पियन बनेको छ ।
शुक्रबार दशरथ रंगशालामा भएको खेलमा प्लानिङले टुसाल युथ क्लबलाई ८-३ गोलअन्तरले हरायो । प्लानिङको जितमा फागुरामको पाँच गोलसँगै रामबाबु शाह, ओमप्रकाश चौधरी र प्रतापसिंह राईले १-१ गोल गरे ।
टुसालका लागि सुजन माझी, प्रदिप सुनार र बिनोद नेम्वाङले १-१ गोल गरे ।
यस खेलअघि नै च्याम्पियन बन्ने पक्का भइसकेको प्लानिङ ब्वाइजसँगै टोखाको श्री भगवती क्लब ए डिभिजनमा बढुवा भएका छन् ।
प्रतिक्रिया 4