एनी कुँवरविरुद्ध पनि चलेन मुद्दा, रिहा भइन्

News Summary

Generated by OK AI. Editorially reviewed.

काठमाडौंको तीनकुनेमा भएको राजावादी समूहको हिंसात्मक प्रदर्शनमा संलग्न आरोपमा पक्राउ परेकी एनि कुँवरविरुद्ध मुद्दा नचल्ने निर्णय भएपछि उनी रिहा भएकी छिन्।
जिल्ला प्रहरी परिसर काठमाडौंले मुद्दा चलाउनु पर्ने प्रतिवेदन पठाएको थियो, तर जिल्ला सरकारी वकिल कार्यालयले पर्याप्त प्रमाण नरहेको भन्दै मुद्दा नचल्ने निर्णय गर्‍यो।
उनले पत्रकार सुरेश रजकको मृत भेटिएको भवनबाट तल झर्दै गरेको भिडियो सामाजिक सञ्जालमा सार्वजनिक भएपछि अनुसन्धानमा तानिएकी थिइन्।

१३ जेठ, काठमाडौं । तीनकुनेमा भएको राजावादी समूहको हिंसात्मक प्रदर्शनमा संलग्न भएको आरोपमा पक्राउ परेकी एनि कुँवरविरुद्ध पनि मुद्दा नचल्ने निर्णय भएपछि रिहा भएकी छिन् ।

जिल्ला प्रहरी परिसर काठमाडौंले मुद्दा चलाउनु पर्ने रायसहितको प्रतिवेदन पठाएको थियो । तर जिल्ला सरकारी वकिल कार्यालय भने उनी संलग्न रहेको भन्ने पर्याप्त आधार र प्रमाण नरहेको भन्दै मुद्दा नचल्ने निर्णय गरेको हो ।

यो निर्णयसँगै उनी गत आइतबार परिसरको हिरासतबाट छुटेकी छिन् । कुँवर पत्रकार सुरेश रजक मृत भेटिएको भवनबाट तल झर्दै गरेको भिडियो सामाजिक सञ्जालमा सार्वजनिक भएको थियो । त्यसपछि उनी अनुसन्धानमा तानिएकी थिइन् ।

१५ चैतमा दुर्गा प्रसाईंको नेतृत्वमा भएको हिंसात्मक प्रदर्शनमा दुई जनाको मृत्यु भएको थियो, २० जनालाई प्रहरीको गोली लागेको थियो ।