समर्थकलाई लिङ्देनको आह्वान- कम्तीमा एक हप्ता काठमाडौंमै बस्नुहोला

News Summary

Generated by OK AI. Editorially reviewed.

राष्ट्रिय प्रजातन्त्र पार्टीका अध्यक्ष राजेन्द्रप्रसाद लिङ्देनले काठमाडौंमा एक हप्ता बस्ने तयारी गर्न आह्वान गरे।
उनले जेठ १५ गतेदेखि राजसंस्था पुनःस्थापना र हिन्दु राष्ट्रको स्थापनाका लागि आन्दोलन जारी राख्ने बताए।
लिङ्देनले सरकारको दमन र अवरोधको खण्डमा प्रतिकार आवश्यक हुने बताएका छन्।

१४ जेठ, काठमाडौं । राष्ट्रिय प्रजातन्त्र पार्टीका अध्यक्ष राजेन्द्रप्रसाद लिङ्देनले कम्तीमा एक हप्ता काठमाडौंमै बसेर आन्दोलन गर्नेगरी तयारीमा रहन आह्वान गरेका छन् ।

बुधबार काठमाडौंमा आयोजित एक कार्यक्रमलाई सम्बोधन गर्दै उनले यस्तो आह्वान गरेका हुन् ।

जेठ १५ गतेदेखि राजावादीहरूले राजसंस्था पुनःस्थापना र हिन्दु राष्ट्र कायम नभएसम्म आन्दोलन जारी राख्ने भन्दै आन्दोलनका कार्यक्रम घोषणा गरेका छन् ।

‘बाहिरबाट आउनुभएका साथीहरूलाई भोलि बेलुका फर्किनेगरी पहिलाको जस्तो बसको, प्लेनको टिकटको व्यवस्था नगर्नुहोला,’ उनले भने, ‘कम्तीमा एक हप्ता काठमाडौं बस्नुपर्छ भन्ने सोचका साथ तयारीका साथ यहाँ रहनु होला । बस्ने क्रममा कुनै प्रकारका असुविधा नहोस् भन्नेमा हामी सचेत छौँ ।’

सोही विषयमा थप बोल्दै उनले दमन र अवरोध गर्नेगरी सरकार अघि बढेको खण्डमा प्रतिकार जरुरी रहेको लिङ्देनले बताए ।

सरकारले दमनबाटै ठिक लगाउने भन्ने हिसाबले र कार्यक्रम अवरोध गर्नेतर्फ सरकार अघि बढ्यो भने प्रतिकार जरुरी हुने बताए ।

‘हामीले पहिला पहिला गरेका आन्दोलनहरू मूल आन्दोलनको बाटो निर्माणका लागि गरेको आन्दोलन थियो । भोलिको आन्दोलन मूल आन्दोलन हो । भोलि सुरुमात्रै हो । हाम्रो आन्दोलन निरन्तर रुपमा रहन्छ,’ उनले भने ।