बालुवाटार प्रवेश गर्न खोजेपछि कमल थापासहित ५ जना नियन्त्रणमा : प्रहरी

News Summary

Generated by OK AI. Editorially reviewed.

प्रहरीले १८ जेठ काठमाडौंको बालुवाटार क्षेत्रमा निषेधित क्षेत्र तोड्दै प्रवेश गर्न खोजेका पाँच राजावादीलाई नियन्त्रणमा लिएको छ।
राजावादीहरूले नारायणचौरबाट प्रदर्शन सुरु गरी बालुवाटारतर्फ जाँदै गर्दा प्रहरीले रोकथाम गरेको हो।
प्रदर्शनमा सहभागीहरूले राजसंस्था पुनःस्थापना र हिन्दु राज्यको माग राखेका थिए।

१८ जेठ, काठमाडौं । निषेधित क्षेत्र तोड्दै बालुवाटार प्रवेश गर्न खोजेपछि राप्रपा, नेपालका अध्यक्ष कमल थापासहित ५ जनालाई नियन्त्रणमा लिइएको प्रहरीले जनाएको छ ।

जिल्ला प्रहरी परिसर काठमाडौंका एसपी अपील राज बोहराका अनुसार, नारायणचौरबाट प्रर्दशनमा निस्किएको राजावादीहरूको समूह बालुवाटारमा प्रहरीले राखेको ब्यारियर तोडेर अघि बढ्न खोजेपछि थापासहित पाँच जनालाई नियन्त्रणमा लिइएको हो ।

उनका अनुसार, पक्राउ परेका सबैलाई अहिले जिल्ला प्रहरी परिसर, भद्रकाली ल्याइँदैछ ।

यो पनि पढ्नुहोस

राजावादी प्रदर्शनमा लाठीचार्ज, केही प्रदर्शनकारी घाइते (तस्वीरहरू)

गत १५ जेठबाट प्रदर्शन सुरु गरेका राजावादीले आज पनि नारायणचौरबाट आन्दोलन सुरु गरेका थिए । राजसंस्था पुनस्थापना र हिन्दु राज्यसहितको माग राखेर भइरहेको प्रदर्शन हिजो बालुवाटार नजिकै पुगेको थियो ।

आज पनि नारायणचौरबाट राजावादीको प्रदर्शन बालुवाटारतर्फ जाँदै थियो । सो क्रममा राजावादीहरू उग्र हुँदै निषेधित क्षेत्र तोडेर अघि बढ्न खोजेको प्रहरीको दाबी छ ।

प्रधानमन्त्री, सभामुख लगायतको सरकारी निवास रहेको बालुवाटार क्षेत्रलाई सरकारले यसअघि नै निषेधित क्षेत्र घोषणा गरेको थियो ।