हरिवंशले गरे कान्तिपुर नाटक घरको शुभारम्भ (तस्वीर)

News Summary

Generated by OK AI. Editorially reviewed.

कान्तिपुर थिएटर सोमबारदेखि गैरीधारामा उद्घाटन भयो, अभिनेता हरिवंश आचार्यले उद्घाटन गरे।
नाटक ‘मीरा’को प्रिमियर रेखा थापाले गरे र यसलाई कान्तिपुर फिल्म कलेजले सञ्चालन गरेको हो।
थिएटरमा व्यवसायिक र कलेजका नाटकहरू मंचन गरिनेछ, शिलान्यास अभिनेता राजेश हमालले गरेका थिए।

काठमाडौं । कान्तिपुर थिएटर सोमबारदेखि संचालनमा आएको छ । गैरीधारामा खुलेको थिएटरको उद्घाटन अभिनेता हरिवंश आचार्यले गरे । पहिलो दिन रेखा थापाको डेब्यु नाटक ‘मीरा’को प्रिमियर गरियो ।

फिल्मको पठनपाठन गर्दै आएको कान्तिपुर फिल्म कलेजले थिएटर संचालनमा ल्याएको हो । आफू जन्मिएकै टोलमा नाटक घर उद्घाटन गर्न पाउँदा आफूलाई खुसी लागेको हरिवंशले बताए ।

‘आफ्नो जन्मटोलमा आज नाटक घर उद्घाटन गर्न पाउँदा खुसी छु’ उनले भने । नाटकका कलाकारले नेपाली चलचित्रमा राज गरेको बताउँदै उनले आफ्नो अभिनय करिअरको पृष्ठभूमि पनि नाटक रहेको बताए ।

‘नाटकका कलाकारले अहिले चलचित्रमा राज गरेको देख्दा नाटकको महत्वपूर्ण थाहा हुन्छ । मैले पनि यतिबेला नाटकबाट सिकेको अनुभवलाई प्रयोग गरिराखेको छु’ उनले भने ।

यो नाटकको शीर्षक सम्झिँदा हरिवंशले दिवंगत पत्नी मीरालाई सम्झिए । ‘नाटकको नाम पनि मीरा रहेछ । मैले भौतिकरुपमा मीरालाई गुमाएँ । उनकै नामबाट नाटकको नाम राखिएको रहेछ’ उनले भने ।

उनले मीरा नामक गरेका मान्छे संसारमा पवित्र हुने धारणा राखे । नाटक हेरिसकेपछि पनि उनले यसको प्रशंसा गरे ।

नाटक घर उद्घाटन गर्न पुगेका अभिनेता मदनकृष्ण श्रेष्ठ भने स्वास्थ्य समस्याको कारण बाहिरिएपछि हरिवंश एक्लैले थिएटर उद्घाटन गरेका थिए ।

१६० सिट क्षमताको यो थिएटरमा व्यवसायिकदेखि कलेजका नाटक पनि मंचन गरिने कान्तिपुर फिल्म कलेजका सीइओ प्रकाश पुरीले बताए । यो थिएटरको शिलान्यास अभिनेता राजेश हमालले गरेका थिए ।

रेखा थापाको शीर्ष भूमिका रहेको नाटक ‘मीरा’ मंचनसँगै थिएटर संचालनमा आएको हो । जेठ १९ देखि असार ७ गतेसम्म बुधबारबाहेक बेलुका ५ः३० बजेदेखि नाटक नियमित मंचन हुनेछ ।

तस्वीरहरू : अविकृत मुखिया