डा. भण्डारी दोस्रो कार्यकालका लागि मेरिल्याण्डको दक्षिण एशियाली अमेरिकी आयोगमा

News Summary

Generated by OK AI. Editorially reviewed.

अमेरिकाको मेरिल्याण्ड राज्यले गभर्नर वेस मुरले डा. विशाल भण्डारीलाई दोस्रो कार्यकालका लागि नियुक्त गरेका छन् ।
चितवनका नेपाली अमेरिकी नागरिक डा. भण्डारीले सामाजिक न्याय र समावेशी विकासमा काम गर्ने प्रतिबद्धता व्यक्त गरे।
नियुक्ति पत्रमा भनिएको छ, \'तपाईंको योगदान प्रशंसनीय छ, र तपाईंको सेवाबाट सम्पूर्ण मेरिल्याण्ड लाभान्वित हुनेछ।\'.

२० जेठ, काठमाडौं । अमेरिकाको मेरिल्याण्ड राज्यको गभर्नर वेस मुरले ‘गभर्नरको दक्षिण एशियाली अमेरिकी मामिला आयोग’ डा. विशाल भण्डारीलाई दोस्रो कार्यकालका लागि निरन्तरता दिएका छन् ।

चितवनका भण्डारी बाल्टिमोर बस्दै आएका नेपाली अमेरिकी नागरिक हुन् । १ जनवरी २०२५ बाट सुरु हुने दोस्रो कार्यकाल ४ वर्षको हुनेछ ।

‘राज्यमा समावेशीता र समानताको प्रवर्द्धनका लागि तपाईंको योगदान प्रशंसनीय छ,’ नियुक्ति पत्रमा भनिएको छ, ‘तपाईंको सेवाबाट सम्पूर्ण मेरिल्याण्ड राज्य लाभान्वित हुने विश्वास हामीलाई छ र तपाईंलाई पुनः नियुक्त गर्न पाउँदा हामी गर्वानुभूति गर्दछौं।’

डा. भण्डारीले आफूलाई विश्वास गर्ने गभर्नर वेस मुरलाई धन्यवाद दिएका छन् । ‘यो सम्मानप्रति म अत्यन्त आभारी छु। प्रतिनिधित्वको महत्त्वप्रति मेरो दृढ विश्वास छ, र म यो भूमिकालाई पूर्ण जिम्मेवारीका साथ निर्वाह गर्ने छु,’ उनले भने, ‘म गभर्नर मुर र मिलर प्रशासनप्रति हार्दिक आभार प्रकट गर्न चाहन्छु।’

डा. भण्डारीले आयोगमार्फत सामाजिक न्याय, समान अवसर र समावेशी विकासको पक्षमा काम गर्नुपर्नेछ । उनले आयोगका अन्य सदस्यहरू तथा गभर्नरको कार्यालयसँग सहकार्य गर्दै अघि बढ्ने प्रतिबद्धता पनि जनाएका छन्।