News Summary
Generated by OK AI. Editorially reviewed.- अख्तियार दुरुपयोग अनुसन्धान आयोगले पूर्वप्रधानमन्त्री माधवकुमार नेपालसहित ९३ जनाविरुद्ध भ्रष्टाचार मुद्दा दायर गर्यो।
- नेकपा एकीकृत समाजवादीका नेताहरु बैठक गरी पार्टीको धारणा तय गर्न जुटेका छन्।
- अध्यक्ष नेपाल काठमाडौं आउने तयारीमा रहेका कारण पार्टीमा छलफल र निर्णय प्रक्रिया जारी छ।
२२ जेठ, काठमाडौं । पार्टी अध्यक्ष एवं पूर्वप्रधानमन्त्री माधवकुमार नेपालविरुद्ध पतञ्जलि जग्गा प्रकरणमा भ्रष्टाचार मुद्दा दायर भएपछि नेकपा एकीकृत समाजवादीका नेता तथा कार्यकर्ता अलमलमा परेका छन् ।
अख्तियार दुरुपयोग अनुसन्धान आयोगले पूर्वप्रधानमन्त्री नेपालसहित ९३ जनाविरुद्ध मुद्दा दर्ता गराएको छ । पार्टी अध्यक्ष नेपालविरुद्ध अख्तियारले अनुसन्धान गरिरहेको सूचना एकीकृत समाजवादी पार्टी पंक्तिलाई पहिल्यै थाहा थियो ।
तर, विशेष अदालतमा मुद्दा दायर भएपछि एकीकृत समाजवादीका शीर्ष नेताहरू नै अलमलमा परेका छन् । अहिले पार्टीका पदाधिकारीहरू केन्द्रीय कार्यालय आलोकनगरमा भेला भएका छन् ।
‘नेताहरू छलफलमा जुटेका छौं । तर पार्टी अध्यक्ष रौतहटमा हुनुहुन्छ, उहाँ आएपछि बैठक बस्छौं’, एक पदाधिकारीले भने । अध्यक्ष नेपाल काठमाडौं आउने तयारीमा छन् ।
माधव नेपाल आएपछि बैठक राखेर एकीकृत समाजवादीले औपचारिक धारणा सार्वजनिक गर्ने नेताहरूले बताएका छन् । तर पार्टीको औपचारिक निर्णय नआउँदा नेता तथा कार्यकर्तामा अन्योल देखिएको छ ।
ती पदाधिकारी भने चाँडै निर्णय आउने भएकाले धेरै अलमलमा बस्नु नपर्ने बताउँछन् । ‘भरे-भोलि हाम्रो धारणा आइहाल्छ, अलमल धेरै रहँदैन’, ती पदाधिकारी भन्छन् । अकस्मात् मुद्दा दर्ता भएकाले केन्द्रीय कार्यालय सुनसान जस्तै छ ।
यो खबर पढेर तपाईलाई कस्तो महसुस भयो ?
खुसी
दुःखी
अचम्मित
उत्साहित
आक्रोशित
प्रतिक्रिया
Hot Properties
%20-%20Copy.jpg)
.jpg)
प्रतिक्रिया 4