राजु पाण्डेको निलम्बनपछि महानगरमा मुठभेडको त्रास, खटाइयो प्रहरी

News Summary

Generated by OK AI. Editorially reviewed.

काठमाडौं महानगरपालिकाका नगर प्रहरी प्रमुख राजु पाण्डेको निलम्बनपछि तनाव हुनसक्ने आशंकामा प्रहरी टोली खटाइएको छ।
जिल्ला प्रहरी परिसर काठमाडौंका एसपी अपिलराज बोहराले भने, ‘अहिलेसम्म केही पनि भएको छैन।’
प्रमुख प्रशासकीय अधिकृत सरोज गुरागाईंले पाण्डेलाई ६ महिनाका लागि निलम्बन गरेका छन्।

२२ जेठ, काठमाडौं । काठमाडौं महानगरपालिकाका नगर प्रहरी प्रमुख राजु पाण्डेको निलम्बनपछि मुठभेड हुनसक्ने आकलन गर्दै सुरक्षाकर्मी परिचालन गरिएको छ ।

सम्भावित मुठभेडलाई ध्यानमा राखेर महानगर कार्यालयमा बिहीबार नेपाल प्रहरी र सशस्त्र प्रहरीको टोली तैनाथ गरिएको हो ।

जिल्ला प्रहरी परिसर काठमाडौंका एसपी तथा प्रवक्ता अपिलराज बोहराले सुरक्षाका लागि भने प्रहरीको टोली खटाइएको बताए ।

‘अहिलेसम्म केही पनि भएको छैन । कुनै तनाव हुनसक्ने आकलन गरेर मात्रै प्रहरीको टोली पठाएका हौं,’ एसपी बोहराले अनलाइनखबरसँग भने ।

प्रमुख प्रशासकीय अधिकृत सरोज गुरागाईंले पाण्डेलाई ६ महिनाका लागि निलम्बन गरेका थिए ।

त्यसपछि निमित्त प्रमुखको जिम्मेवारी विष्णु जोशीलाई दिइएको छ । यस्तो अवस्थामा महानगरमा केही सुरक्षा चुनौती हुनसक्ने भन्दै प्रहरीको टोली खटाइएको हो ।