मन्त्री पाण्डेद्वारा आगलागीबाट नष्ट बाम्का बजारको निरीक्षण

News Summary

Generated by OK AI. Editorially reviewed.

बाजुराको बाम्का बजारमा शुक्रबार ग्यास सिलिन्डर विस्फोटले आगलागी भएको छ।
मन्त्री बद्रीप्रसाद पाण्डेले आगलागी स्थलको स्थलगत निरीक्षण गर्नुभएको छ।
आगलागीमा झण्डै ४० पसल पूर्ण रूपमा नष्ट भएका छन् र स्थानीयले राहतको माग गरेका छन्।

बाजुरा । संस्कृति, पर्यटन तथा नागरिक उड्डयन मन्त्री बद्रीप्रसाद पाण्डेले आगलागीबाट नष्ट भएको आफ्नै गृहजिल्ला बाजुराको बाम्का बजार क्षेत्रको निरीक्षण गर्नुभएको छ।

आगलागीको जानकारी लगत्तै काठमाडौँबाट बाजुरा जानुभएका मन्त्री पाण्डेले आगलागीबाट क्षति पुगेको बाम्का बजार क्षेत्र स्थलगत अवलोकन गर्नुभएको हो। निरीक्षणका क्रममा उहाँले जलेर ध्वस्त भएका घर, पसललगायत संरचनाको अवस्थाबारे जानकारी लिनुभएको छ।

शुक्रबार बाम्का बजारस्थित नवदुर्गा होटलमा ग्यास सिलिन्डर विस्फोट भई भीषण आगलागी भएको थियो। आगलागीमा परेर बाम्का बजारका झण्डै ४० वटा पसल पूर्ण रूपमा नष्ट भएका छन् ।

स्थानीय बासिन्दाहरूले ठूलो आर्थिक क्षति भएको जनाउँदै सरकारसँग राहत तथा पुनर्निर्माणमा सहयोगको माग गरेका छन् ।