‘बलिदान’मा सौगातको ‘एङ्ग्री’ लुक्स

News Summary

Generated by OK AI. Editorially reviewed.

‘बलिदान’ फिल्मले अभिनेता सौगात मल्लको ‘पात्र पोस्टर’ सार्वजनिक गर्‍यो, जसमा उनी ‘एंग्री’ लुक्समा देखिएका छन्।
पोस्टरमा मल्लको आँखा कालो रङको, लामो दारी, केश र गाढा वस्त्र पहिरेका छन्, र पृष्ठभूमिमा मानिसको समूह र आगोको ज्वाला देखिन्छ।
फिल्मको कथावस्तु एक्सन प्रकृतिको देखिन्छ र मल्लले भिन्न चरित्र चित्रण गरेका छन्, जुन २०२५ को दशैंमा प्रदर्शन हुनेछ।

काठमाडौं । सन्तोष सेन निर्देशित फिल्म ‘बलिदान’ले अभिनेता सौगात मल्लको ‘पात्र पोस्टर’ सार्वजनिक गरेको छ । यो क्यारेक्टर लुक्समा मल्ल ‘एंग्री’ लुक्समा देखिएका छन् ।

एक पोस्टरमा मल्लको पात्रको एउटा आँखा कालो रङको छ । लामो दारी, केश र गाढा रङको वस्त्र लगाएका छन् । हातमा बलिरहेको राँको देखिन्छ । पृष्ठभूमिमा मानिसको समूह र आगोको ज्वाला पनि देखिन्छ ।

यो पोस्टरले फिल्मको कथावस्तु एक्सन प्रकृतिको देखिन्छ । अर्को पोस्टरमा मल्ल हतियार बोकेर लडाइको परिवेशमा देखिएका छन् । निर्देशक सेनका अनुसार फिल्ममा मल्लले भिन्न चरित्र चित्रण गरेका छन् ।

मल्ल नेपाली फिल्ममा आफ्नो सशक्त अभिनयले परिचित छन् । ‘बलिदान’मा उनको भिन्न र शक्तिशाली गेटअपले दर्शकलाई हलसम्म तान्न सक्ने आशा निर्माताको छ ।

यसअघि शीर्ष कलाकार समीर भट्टको क्यारेक्टर लुक्स सार्वजनिक गरिएको थियो । आसुसेन फिल्म्स् प्रालिको ब्यानरमा बनेको यो फिल्ममा अर्पण थापा, ऋचा शर्मा, कविता राय, हेमन्त बुढाथोकी, प्रेम पुरीको पनि अभिनय छ ।

पवन ब्राडफोर्ड बिष्ट निर्माता तथा प्रेम पुरी कार्यकारी निर्माताको रुपमा छन् । यो फिल्म २९ सेप्टेम्बर, २०२५ (फूलपाति दशैं)मा प्रदर्शन हुने बताइएको छ ।