‘मोहर’को टिजर : देउकी प्रथाको नाममा बालिकामाथि हुने कुरीतिको कथा

News Summary

Generated by OK AI. Editorially reviewed.

टिजरले देउकी प्रथाको नाममा बालिकामाथि हुने हिंसाको कथा बताउँछ।
फिल्म ‘मोहर’ साउन २३ गते प्रदर्शनमा आउनेछ।
अभिनेता पल शाह, बेनिशा हमाल लगायतको अभिनय रहेको छ।

काठमाडौं । प्रदर्शन तयारीमा रहेको फिल्म ‘मोहर’को टिजर सार्वजनिक भएको छ । टिजरले देउकी प्रथाको नाममा बालिकामाथि हुने हिंसाको कथा भन्छ ।

देवीदेवताको सेवा गर्न कन्या केटी चढाउने सामाजिक कुरितीविरुद्धको सन्देश यसमा छ । यसरी चढाइएकी कन्या देउकी हुन् भन्ने अन्धविश्वास प्रचलन छ । फिल्म यही कथावस्तुमा आधारित रहेको बुझ्न सकिन्छ ।

ओम प्रतीक निर्देशित यो फिल्ममा पल शाह, बेनिशा हमाल, निती शाह, अर्जुनजंग शाही लगायतको अभिनय छ । चुम्बनजंग शाहीले फिल्म निर्माण गरेका हुन् ।

टिजरले फिल्मको कथावस्तु, प्रस्तुतीकरण र चरित्र चित्रणबारे संक्षिप्त झलक दिन्छ । अभिनेता शाह यसमा देउकी कुप्रथा रोक्न संघर्ष गरेका पात्रको रोलमा छन् । बेनिशालाई बालिकाको आमाको भूमिकामा देखाइएको छ । मिस पबिको एक झलक यसमा छ ।

‘मोहर’ साउन २३ गतेदेखि प्रदर्शन तयारीमा छ ।