प्याराग्लाइडिङ दुर्घटनामा परेका ४ जनाको सकुशल उद्धार

फाइल तस्वीर

News Summary

Generated by OK AI. Editorially reviewed.

कास्कीको पोखरा महानगरपालिका–१८ खपौँदीस्थित फेवातालमा प्याराग्लाइडिङ दुर्घटनामा परेका चार जनालाई आज सकुशल उद्धार गरियो।
सशस्त्र प्रहरी बल नं २४ गणको विपद् व्यवस्थापन टोलीले मोटरबोट र गोतखोरको मद्दतले उनीहरूको उद्धार गरेको हो।
अवतरणका क्रममा अनियन्त्रित भई खसेका पाइलट मिलन शाह र अकलेस यादवलाई सुरक्षित निकालेको छ।

२८ जेठ, गण्डकी । कास्कीको पोखरा महानगरपालिका–१८ खपौँदीस्थित फेवातालमा प्याराग्लाइडिङ दुर्घटनामा परेका दुई चालक सहित चार जनाको आज सकुशल उद्धार गरिएको छ ।

कास्कीस्थित सशस्त्र प्रहरी बल नं २४ गणबाट फेवा उद्धार टावरमा खटिएको विपद् व्यवस्थापन टोलीले उनीहरूको उद्धार गरेको हो ।

अवतरणका क्रममा अनियन्त्रित भई फेवातालका बीचमा खसेका अग्नि प्याराग्लाइडिङका पाइलट मिलन शाह र उक्त प्याराग्लाइडिङमा सवार भारतको बनारसका अकलेस यादवलाई सकुशल उद्धार गरिएको हो ।

यस्तै, हेप्पी फ्लाई प्याराग्लाइडिङका पाइलट २८ वर्षीय विश्वास अधिकारी र भारतको बनारसका चन्दनकुमार पटेललाई उद्धार गरिएको सशस्त्र प्रहरी बल नं २४ गणका गणपति सशत्र प्रहरी उपरीक्षक सूर्यप्रसाद तिमिल्सेनाले जानकारी दिए ।

मोटरबोटसहित खटिएका गोतखोर उद्धारमा खटेको उनको भनाइ छ ।