पूर्वमन्त्री शास्त्रीको निधनको शोकमा कांग्रेसले स्थगित गर्‍यो औपचारिक कार्यक्रम

News Summary

Generated by OK AI. Editorially reviewed.

नेपाली कांग्रेसले पूर्वमन्त्री ढुण्डीराज शास्त्रीको निधनको शोकमा कार्यक्रम स्थगित गरेको छ।
उनको निधनको शोकमा केन्द्रीय कार्यालयको प्रशिक्षण कार्यक्रम असार ४ देखि ६ गतेसम्म स्थगित गरिएको छ।
केन्द्रीय कार्यसमितिको बैठक शोकको औपचारिकता दिनको लागि बस्ने भनिए पनि सुरु हुन सकेको छैन।

४ असार, काठमाडौं । नेपाली कांग्रेसले पूर्वमन्त्री ढुण्डीराज शास्त्री (पौडेल)को निधनको शोकमा पूर्वनिर्धारित कार्यक्रमहरु स्थगित गरेको छ ।

पूर्वउद्योगमन्त्री तथा नेपाली कांग्रेसका पूर्व केन्द्रीय सदस्य ढुण्डिराज शास्त्री (पौडेल)को ९० वर्षको उमेरमा यही असार २ गते काठमाडौंको केएमसी अस्पतालमा निधन भएको थियो ।

उनको निधनको शोकमा कांग्रेसले आफ्ना कार्यक्रमहरु स्थगित गरिसकेको छ । केन्द्रीय कार्यालयमा भइरहेको वातावरण सम्बन्धी प्रशिक्षण कार्यक्रम असार ४ गतेदेखि ६ गतेसम्मका लागि स्थगित भइसकेको छ ।

शोकका कार्यक्रम सम्बन्धी निर्णयलाई औपचारिकता दिन केन्द्रीय कार्यसमितिको बैठक बस्दै छ । बिहान ८ बजे केन्द्रीय कार्यालय सानेपामा बस्ने भनिएको बैठक सवा नौ बजेसम्म पनि सुरु हुन सकेको छैन ।