निको भएपछि परीक्षामा जुटिन् रचना रिमाल

News Summary

Generated by OK AI. Editorially reviewed.

गायिका रचना रिमालले स्वास्थ्य समस्या भएता पनि परीक्षामा भाग लिइन्।
उनी आन्द्राको संक्रमणपछि अस्पताल भर्ना भएकी थिइन् र घरमै आराम गरिरहेकी छन्।
प्रशंसकहरूले उनको हिम्मत र लगनशीलताको प्रशंसा गरेका छन्।

काठमाडौं । निको भएपछि गायिका रचना रिमाल बुधबारदेखि सुरु भएको स्नातक तह तेस्रो वर्षको वार्षिक परीक्षामा सहभागी भएकी छन् ।

प्रदर्शनीमार्गस्थित रत्नराज्य क्याम्पसकी विद्यार्थी रहेकी रचनाले परीक्षामा भाग लिएकी हुन् । आन्द्राको संक्रमण भएपछि उनले केही दिन ह्याम्स अस्पतालमा भर्ना भएर उपचार गरेकी थिइन् ।

शनिबार डिस्चार्ज भएकी उनले घरमै स्वास्थ्य लाभ गरिरहेकी छन् । यस क्रममा उनी परीक्षा दिन परीक्षा केन्द्रमा पुगेकी हुन् ।

स्वास्थ्य समस्याले सोचेअनुसार तयारी गर्न नसकेको रचना आफैले सामाजिक सञ्जालमार्फत बताएकी छन् । लेखेकी छन्, ‘स्वास्थ्य समस्याले सोचेजस्तो तयारी पूरा गर्न नसकेपनि सकेको राम्रो गर्ने प्रयास गर्नेछु ।’

रचनाले सांगीतिक करिअर र औपचारिक अध्ययन दुवैलाई एकसाथ अघि बढाइरहेकी छन् । प्रशंसकले पनि उनको हिम्मत र लगनशीलताको प्रशंसा गरेका छन् ।

गतसाता सांगीतिक प्रस्तुति दिन रुकुम पश्चिम जाने क्रममा उनी बिरामी परेकी थिइन् । त्यसपछि सेनाको हेलिकोप्टरबाट उद्वार गरेर रचनालाई नेपालगञ्ज हुँदै काठमाडौं ल्याइएको थियो ।