फ्यानले आफ्नो मुहारको ट्याटु खोपाएपछि रचना : मायाको भारी बोकाइदिनुभयो

News Summary

Generated by OK AI. Editorially reviewed.

गायिका रचना रिमालले सामाजिक सञ्जालमा एक फ्यानले उनको मुहारको ट्याटु हातमा खोपाएको भिडियो सेयर गरेकी छिन्।
रचनाले फ्यानप्रति आफ्नो प्रेम व्यक्त गर्दै लेखेकी छिन्, 'मनले नै थाम्न गाह्रो हुने गरि जुन मायाको भारी बोकाउनुभएको छ, त्यो बोकेर हिँडिरहन सकूँ भगवान।'
उनले भनिन्, 'म त आफ्नो कर्म मात्रै गरिरहेकी छु र त्यो सबै हजुरहरूको आशीर्वाद हो' र फ्यानप्रति धेरै सम्मान व्यक्त गरिन्।

काठमाडौं । समकालिन गायिकामध्ये रचना रिमालको लोकप्रियता अग्रपंक्तिमा आउँछ । विवादमा सितिमिति नआउने उनी ‘जिरो हेटर्स’ गायिका पनि हुन् । सांगीतिक प्रस्तुतिका लागि उनी जहाँ जान्छिन्, उनको प्रशंसा भैरहन्छ ।

संगीतसँगै अध्ययन, खेलदेखि सोसल मिडियामा कन्टेन्ट क्रिएसनसम्म उनी सक्रिय छिन् । यी कुराको उनको रुचिमा देखिएको विविधता दर्शाउँछ । फ्यान पनि रचना भनेपछि हुरुक्कै गर्छन् ।

एक क्रेजी फ्यानले त उनको मुहारको ट्याटु नै हातमा खोपेर गायिकाप्रतिको प्रेम दर्शाएका छन् । सामाजिक सञ्जालमा रचनाले सेयर गरेको एक भिडियोमा ती फ्यानले उनको ट्याटु खोपाएको देखिन्छ ।

प्रशंसकको यो प्रेमलाई लिएर रचना खुसी पनि छिन् । सामाजिक सञ्जालमार्फत नै उनले ती फ्यानप्रतिको प्रेम व्यक्त गरेकी छन् । ‘मनले नै थाम्न गाह्रो हुने गरि जुन मायाको भारी बोकाउनुभएको छ, त्यो बोकेर हिँडिरहन सकूँ भगवान’ भन्दै उनले लेखेकी छन् ।

फ्यानको यो माया र सम्मान देखेर आफू भावुक बनेको रचनाले बताएकी छन् । ‘म त आफ्नो कर्म मात्रै गरिरहेकी छु । जहाँ, जस्ती छु, त्यो सबै हजुरहरूको आशीर्वाद हो’ उनी लेख्छिन्, ‘हजुरप्रति मेरो हृदयबाट धेरै सम्मान छ । लेख्न धेरै मन हुँदाहुँदै पनि सकिँन । धेरै माया छ ।’