हिमालयन एभरेस्टद्वारा ग्रामीण किसानका लागि बीमा सचेतना कार्यक्रम

News Summary

Generated by OK AI. Editorially reviewed.

हिमालयन एभरेस्ट इन्स्योरेन्स लिमिटेडले सिन्धुपाल्चोकको कुविन्डेमा निर्जीवन बीमासम्बन्धी सचेतनामूलक कार्यक्रम आयोजना गर्यो।
कार्यक्रममा करिब २० किसानले बीमाको महत्त्व, प्रयोग र लाभबारे जानकारी प्राप्त गरे।
संस्थाले आगामी दिनमा अन्य स्थानीय तहमा यस्ता कार्यक्रम सञ्चालन गर्ने प्रतिबद्धता जनाएको छ।

६ असार, काठमाडौं । हिमालयन एभरेस्ट इन्स्योरेन्स लिमिटेड चौतारा शाखाको आयोजनामा ५ असारमा सिन्धुपाल्चोक साँगाचोकगढी नगरपालिका–४ कुविन्डेमा निर्जीवन बीमासम्बन्धी सचेतनामूलक छलफल कार्यक्रम गरिएको छ ।

कुविन्डे दुग्ध संकलन केन्द्रमा आबद्ध करिब २० जना किसानको उपस्थितिमा सम्पन्न उक्त कार्यक्रममा बीमाको महत्त्व, प्रयोग, लाभ र स्थानीय तहमा उपलब्ध निर्जीवन बीमालेखबारे जानकारी प्रदान गरिएको थियो ।

कार्यक्रमको उद्देश्य ग्रामीण तथा कृषक समुदायमा बीमाप्रति जनचेतना अभिवृद्धि गर्दै जोखिम व्यवस्थापनमा उनीहरूको पहुँच सुलभ बनाउनु रहेको थियो ।

कार्यक्रममा कुविण्डे दुग्ध कृषि सहकारी अध्यक्ष प्रेमप्रसाद सापकोटाले किसानको जीवनस्तर उकास्न बीमा क्षेत्रको भूमिका महत्त्वपूर्ण रहेको उल्लेख गर्दै बीमाको पहुँच विस्तार गर्दै दाबी प्रक्रिया सरल र सहज बनाउन बीमा कम्पनीहरू अझ बढी सक्रिय हुनुपर्ने धारणा व्यक्त गरे ।

हिमालयन एभरेस्ट इन्स्योरेन्स लिमिटेडले आगामी दिनमा पनि अन्य स्थानीय तहमा यस्ता कार्यक्रम सञ्चालन गर्दै जाने प्रतिबद्धता जनाएको छ ।