१० असार, काठमाडौं । राष्ट्रिय प्रजातन्त्र पार्टी (राप्रपा) भिजिट भिसा प्रकरण हेर्न गठित छानबिन समितिको औचित्यबारे छलफल गर्दैछ ।
राप्रपाका प्रमुख सचेतक ज्ञानेन्द्र शाहीका अनुसार छानबिन समिति कति प्रभावकारी हुन्छ भन्ने एक ढंगको अनुमान गरेर संसदको अवरोध खोल्ने वा नखोल्ने निर्णयमा पुग्नेछ ।
‘भिजिट भिसा प्रकरण हेर्न गठित छानबिन समितिको औचित्यबारे छलफल गर्दैछौं । यो कति प्रभावकारी होला भनेर छलफल गरिरहेका छौं । छलफलपछि संसद्को अवरोधबारे एउटा निर्णयमा पुर्ग्छौं’, शाहीले अनलाइनखबरसँग भने ।
राप्रपाले भिजिट भिसा प्रकरणका गृहमन्त्रीको राजीनामा माग्दै आएको छ । यो प्रकरणमा संसदीय छानबिन समिति वा उच्च स्तरीय न्यायीक आयोग बन्नुपर्ने उनीहरूको माग छ । तर, सरकारले उच्च स्तरीय न्यायीक आयोग नभएर उच्चस्तरीय छानबिन समिति बनाएको छ ।
सोमबार साँझ बसेको मन्त्रिपरिषद्को बैठकले पूर्वमुख्यसचिव शंकरदास बैरागीको नेतृत्वमा छानबिन समिति बनाएको छ । उक्त समितिमा सम्बन्धित मन्त्रालयहरूका सहसचिवहरू रहनेछन् ।
भिजिट भिसा प्रकरणलाई लिएर राप्रपाले संसद्को कामकारबाही बहिष्कार गर्दै आएको छ । अवरोधकैबीच सरकारले बजेटमाथिको छलफल अघि बढाउँदै आएको छ ।
यो खबर पढेर तपाईलाई कस्तो महसुस भयो ?
खुसी
दुःखी
अचम्मित
उत्साहित
आक्रोशित
प्रतिक्रिया
Hot Properties
%20-%20Copy.jpg "3 BHK House for Rent")
.jpg "4 BHK House for Sale")
प्रतिक्रिया 4