२०८२ असार १३ गते १८:२५ 
News Summary
Generated by OK AI. Editorially reviewed.- फिफा क्लब विश्वकपको नकआउट चरणको समीकरण पूरा भएको छ।
- समूह 'एच' का रियल मड्रिड र अल-हिलाल अन्तिम १६ मा प्रवेश गरे।
- अन्तिम १६ का खेलहरू पाल्मेइरास, बेनफिका, पीएसजी, इन्टर मियामी, रियल मड्रिड लगायत टोलीहरूबीच हुनेछन्।
१३ असार, काठमाडौं । अमेरिकामा जारी फिफा क्लब विश्वकप फुटबलको नकआउट समीकरण पूरा भएको छ । शुक्रबार विहान समूह चरणका सबै खेल सकिएसँगै प्रि-क्वाटरफाइनल समीकरण पूरा भएको हो ।
शुक्रबार विहान भएको समूह चरणका अन्तिम २ खेलमा स्पेनी महारथी रियल मड्रिड र साउदी क्लब अल-हिलाल विजयी भए ।
समूह ‘एच’ को खेलमा साल्जबर्गलाई ३-० ले पराजित गर्दै रियल मड्रिड समूह विजेताका रूपमा अन्तिम १६ मा प्रवेश गर्यो । रियलका लागि खेलको ४०औं मिनेटमा भिनिसियस जुनियरले गोल गरेका थिए भने इन्जुरी समयमा फेडेरिको भाल्भर्डेले गोल गर्दै टोलीको अग्रता दोब्बर पारेका थिए ।
दोस्रो हाफमा रियलले थप एक गोल गर्यो । खेलको ८४औं मिनेटमा गोन्जालो गार्सियाले गोल गर्दै रियल मड्रिडलाई ३-० को जित दिलाए ।
यही समूहको अर्को खेलमा अल हिलालले पाचुकालाई २-० गोलअन्तरले पराजित गर्यो । अल-हिलालको जितमा सलेम अलदावसारी र मार्कोस लियोनार्डोले गोल गरे ।
यी नतिजापछि ३ खेलबाट ७ अंक जोडेको रियल मड्रिड समूह ‘एच’ को विजेता रूपमा अन्तिम १६ मा प्रवेश गर्यो भने ३ खेलबाट ५ अंक जोडेको अल हिलाल समूह उपविजेताका रूपमा अन्तिम १६ मा प्रवेश गर्यो ।
साल्जबर्गको ४ अंक मात्र भयो । पाचुका भने सबै खेलमा पराजित भएको थियो ।
अन्तिम १६ का खेलहरू
पाल्मेइरास र बोटाफोगो
बेनफिका र चेल्सी
पीएसजी र इन्टर मियामी
फ्लामंगो र बायर्न म्युनिख
इन्टर मिलान र फ्लुमिनेस
म्यान्चेस्टर सिटी र अल हिलाल
रियल मड्रिड र युभेन्ट्स
बोरुसिया डर्टमुन्ड र सिएफ मोन्टेरे
प्रतिक्रिया 4