२०८२ असार १७ गते १८:२५ 
News Summary
Generated by OK AI. Editorially reviewed.- नेपाली युवा टेनिस खेलाडी शिवाली गुरुङले ग्राण्डस्ल्याम प्लेयर डेभलपमेन्ट प्रोग्राम अन्तर्गत युरोपमा प्रतियोगिता खेल्नेछन्।
- उनी फ्रान्स, जर्मनी र बेल्जियममा हुने प्रतियोगितामा भाग लिन जाँदैछन्, जसमा पहिलो पटक नेपालबाट सहभागी हुन लागेको हो।
- शिवाली गुरुङ एसियामा चौथो स्थानमा रहेकी पहिलो नेपाली खेलाडी हुन् र उनलाई राष्ट्रिय खेलकुद परिषद्का सदस्य सचिवले शुभकामना व्यक्त गरे।
१७ असार, काठमाण्डौ । नेपाली युवा टेनिस खेलाडी शिवाली गुरुङ ग्राण्डस्ल्याम प्लेयर डेभलपमेन्ट प्रोग्राम आई टिएफ/एटिएफ अन्तर्गत टेनिस टु युरोपमा सहभागि हुने भएकी छन् ।
१४ वर्ष मूनीको उमेर समुहमा शिवालीले फ्रान्समा जुलाई १४ देखि २० तारिख सम्म हुने ओपन स्टेट फ्राकाइस र जुलाई २१ देखि २७ तारिख सम्म हुने टेनिस युरोप तथा जर्मनीमा जुलाई २८ देखि ३ अगष्ट सम्म हुने इन्टरनेश्नल डेउटसी र अगष्ट ४ देखि १० तारिख सम्म बेल्जियममा हुने योङ च्याम्पियनसिप कपमा भाग लिने छन् ।
यस प्रकारको प्रतियोगितामा नेपालबाट पहिलो पटक सहभागिता हुन लागेको गुरुङका प्रशिक्षक प्रदिप खड्काले जानकारी दिएका छन् ।
एसियन च्याम्पियनसिपमा प्रथम हुदै १४ वर्ष मुनीको उमेर समुहमा एसियामा चौथौ वरियतामा रहेकी गुरुङ जीएसपीडीपी/आई टि एप/ए टी एफ युरोप कपमा भाग लिन लागेकी पहिलो नेपाली खेलाडी हुन् ।
शिवाली गुरुङलाई राष्ट्रिय खेलकुद परिषद्का सदस्य सचिव टंकलाल घिसिङले शुभकामना सहित बिदाइ गरे ।
बिदाइ कार्यक्रममा परिषद्का बोर्ड सदस्य हिमाल कुमार श्रेष्ठ, गुरुङका प्रशिक्षकहरु प्रदिप खड्का र राजकुमार लामा सहभागी थिए ।
प्रतिक्रिया 4