१८ असार, काठमाडौं । नेपाली कांग्रेसका सांसद दिलेन्द्रप्रसाद बडूले संसदीय समितिमा सर्वसम्मत भएको निर्णयमाथि जालझेल भएको बताएका छन् ।
प्रतिनिधिसभाअन्तर्गतको राज्यव्यवस्था तथा संसदीय समितिको बैठकमा कांग्रेस सांसद बडूले अब राष्ट्रिय सभाबाट यसलाई सुधार गर्नु पर्ने बताएका हुन् ।
‘यत्रो समय लगाएर हामीले सर्वसम्मत रूपमा पारित गरेको निर्णयमाथि जालझेल भयो । यो जालझेलमा को–को जोडिएका छन् भन्ने पनि छानबिन हुनु पर्यो,’ उनले भने, ‘त्यसअघि कसरी यसलाई सच्याउने भन्नेमा पनि ध्यान दिनुपर्छ ।’
गल्ती भएकै हो भन्ने स्वीकार गरेर सरकारले यसलाई सच्याउनु पर्ने बताएका उनले मन्त्रीले सरकारको तर्फबाट राष्ट्रिय सभामा संशोधनसहितको विधेयक पेश गर्नु पर्ने बताए । तर, अहिलेसम्मको प्रतिक्रिया देख्दा सरकारले यसमा सहयोग गर्ला जस्तो आफूलाई नलागेको उनको भनाइ छ ।
सभामुखले संसदीय छानबिन समिति गठनका लागि र विधेयक सच्याउनका लागि सहयोग गर्नु पर्ने पनि उनले बताए ।
यो खबर पढेर तपाईलाई कस्तो महसुस भयो ?
खुसी
दुःखी
अचम्मित
उत्साहित
आक्रोशित
प्रतिक्रिया
Hot Properties
.jpg "House on sale")
प्रतिक्रिया 4