मिरुना मगरले साइन् गरिन् तक्मे बुढाको ‘मैझारो’

News Summary

Generated by OK AI. Editorially reviewed.

‘मैझारो’ नामक फिल्मको शीर्ष भूमिकामा अभिनेत्री मिरुना मगर अनुबन्धित भएकी छन्।
विल्सनविक्रम राईले निर्देशन गर्ने यो फिल्म छायांकन तयारीमा छ र साउनको पहिलो हप्ताबाट सुरु हुनेछ।
फिल्मको कथावस्तु पूर्वी पहाडको जीवनशैली, संस्कृति र सामाजिक यथार्थमा आधारित हुनेछ।

काठमाडौं । विल्सनविक्रम राई ‘तक्मे बुढा’ले निर्देशन गर्ने फिल्म ‘मैझारो’को शीर्ष भूमिकामा अभिनेत्री मिरुना मगर अनुबन्धित भएकी छन् ।

यसअघि ‘कबड्डी’, ‘ऊनको स्विटर’ लगायतका केही फिल्ममा विल्सन र मिरुनाले अभिनय सहकार्य गरिसकेका छन् ।

‘मैझारो’मा यसअघि धीरज मगर अनुबन्धित भैसकेका छन् । टिभी सिरिजमा तक्मे बुढा नामले चर्चित विल्सनले पहिलोपटक लेखन तथा निर्देशन गर्न लागेको यो फिल्म छायांकन तयारीमा छ ।

यस फिल्ममा अनमोल गुरुङ र तोरेम्पाहाङ राईको संगीत हुनेछ । गायनमा राजेशपायल राई छन् । सौरभ लामाले छायांकन गर्दैछन् ।

साउनको पहिलो हप्ताबाट छायांकन हुने यो फिल्मलाई इलाम र पाँचथरका रमणीय स्थानमा खिचिने छ । सामाजिक कथावस्तुमा आधारित हुने यो फिल्म पूर्वी पहाडको जीवनशैली, संस्कृति र सामाजिक यथार्थको कथावस्तुमा निर्माण हुनेछ ।