नागार्जुनका १०५ जनाले पाए मोबाइलबाट ‘लघु चलचित्र’ बनाउने तालिम

News Summary

Generated by OK AI. Editorially reviewed.

इमेज एकाडेमी र आईएडब्लुआरटी नेपालको सहकार्यमा १५ दिने 'मोबाइलबाट लघु चलचित्र निर्माण' कार्यशाला सम्पन्न भएको छ।
कार्यशालामा नागर्जुन नगरपालिकाका १० वटा वडाबाट १०५ जना सहभागी भएर स्वास्थ्य, शिक्षा, कृषि, युवा, बालबालिका र महिलाका विषयमा आधारित १६ वटा लघु चलचित्र निर्माण भएका छन्।
कार्यशाला समापनमा नगरपालिकाका कार्यवाहक प्रमुख सुसिला अधिकारीले सहभागीहरूलाई प्रमाणपत्र प्रदान गरेकी थिइन्।

२९ असार, काठमाडौं । १५ दिने ‘मोबाइलबाट लघु चलचित्र निर्माण’ कार्यशाला सम्पन्न भएको छ । इमेज एकाडेमीको आयोजना र इन्टरनेसनल एसोसिएसन अफ वुमन इन रेडियो एण्ड टेलिभिजन (आईएडब्लुआरटी) नेपालको सहकार्यमा तालिम आयोजना गरिएको हो ।

कार्यशालामा नागर्जुन नगरपालिकाका १० वटा वडाबाट १०५ जना स्थानीय सहभागी थिए । कार्यशालाका क्रममा स्वास्थ्य, शिक्षा, कृषि, युवा, बालबालिका र महिलाका विषयमा आधारित १६ वटा लघु चलचित्रहरू निर्माण गरियो ।

कार्यशालामा इमेज एकाडेमीकी संस्थापक अध्यक्ष अनुपा श्रेष्ठ, आईएडब्लुआरटी नेपालकी अध्यक्ष इच्छा गुरुङ, सञ्चारकर्मी अनुशा पौडेल, निर्देशक संगीत श्रेष्ठ, सन्ध्या थापा, सन्तोषी पौडेल, शिलु अधिकारी, शैलजा सिंह, दृश्य सम्पादक निशा मानन्धर र कन्टेन्ट क्रिएटर दिपेश घिमिरेले प्रशिक्षण दिएका थिए ।

प्रशिक्षार्थीहरूले मोबाइलमार्फत चलचित्र निर्माण गर्ने प्रशिक्षण पहिलोपटक पाउँदा उत्साहित भएको र कार्यशाला निकै उपयोगी रहेको प्रतिक्रिया दिए ।

आइतबार प्रशिक्षण समापन भएपछि नगरपालिकाका कार्यवाहक प्रमुख सुसिला अधिकारीले सहभागीहरूलाई प्रमाणपत्र प्रदान गरेकी थिइन् ।