कांग्रेस महामन्त्री शर्माले सुरु गरे आफ्नो निर्वाचन क्षेत्रमा धनीपुर्जा वितरण

News Summary

Generated by OK AI. Editorially reviewed.

नेपाली कांग्रेसका महामन्त्री विश्वप्रकाश शर्माले झापा–१ मा सुकुमवासी र अव्यवस्थित बसोबास गर्ने ६ हजार घरपरिवारलाई धनीपुर्जा वितरण सुरु गरेका छन्।
शर्माले बुद्धशान्तिमा सात जना वृद्धलाई धनीपुर्जा दिएर अभियानको सुरुवात गरेका छन् र सोमबार १९५ जनाले धनीपुर्जा पाएका छन्।
भूमि आयोगका केन्द्रीय पदाधिकारीहरू धनीपुर्जा वितरणका लागि झापा–१ पुगेका थिए।

३० असार, काठमाडौं । नेपाली कांग्रेसका महामन्त्री विश्वप्रकाश शर्माले झापा–१ मा सुकुमवासी र अव्यवस्थित बसोबास गरेकाहरूलाई धनीपुर्जा वितरण शुरु गरेका छन् ।

सोमबार बुद्धशान्तिमा शर्माले धनीपुर्जा वितरण गरेका हुन् । शर्माको निर्वाचन क्षेत्र समेत रहेको झापा–१ मा ६ हजार घरपरिवारलाई धनीपुर्जा वितरण गरिने उनले बताए ।

शर्माले सात जना वृद्धलाई धनीपुर्जा दिएर अभियानको सुरुवात गरेका थिए । सोमबार १९५ जनाले धनीपुर्जा पाएका छन् ।

बुद्धशान्तिका वडा नम्बर ४, ५, ६ र ७ शर्माको निर्वाचन क्षेत्रमा पर्दछन् । यी वडाहरुमा ६२ सय परिवार भूमिहीन छन् । भूमि आयोगका केन्द्रीय पदाधिकारी धनीपुर्जा वितरणका लागि झापा–१ पुगेका थिए ।