तक्मे बुढाले इलामबाट थाले ‘मैझारो’ छायांकन

News Summary

Generated by OK AI. Editorially reviewed.

अभिनेता विल्सनविक्रम राईले डेब्यु निर्देशकीय फिल्म 'मैझारो'को छायांकन इलामबाट सुरु गरेका छन्।
फिल्ममा पूर्वी पहाडको जीवनशैली, संस्कृति र सामाजिक यथार्थलाई आधार बनाइएको छ।
फिल्ममा धीरज मगर, मिरुना मगर लगायत कलाकारहरूको अभिनय रहनेछ र संगीत संयोजन अनमोल गुरुङ र तोरेम्पा हाङ राईले गर्नेछन्।

इलाम । अभिनेता विल्सनविक्रम राई ‘तक्मे बुढा’ले डेब्यु निर्देशकीय फिल्म ‘मैझारो’को छायांकन इलामबाट थालेका छन् । विहिबारदेखि छायांकन सुरु भएको जानकारी उनले दिए ।

लामो समयदेखि अभिनय कर्ममा सक्रिय राईले यो फिल्मबाट निर्देशनमा डेब्यु गर्न लागेका हुन् । यो फिल्मको छायांकन इलाम र पाँचथर जिल्लाका विभिन्न स्थानहरूमा हुने बताइएको छ ।

फिल्ममा पूर्वी पहाडको जीवनशैली, संस्कृति र सामाजिक यथार्थलाई आधार बनाइएको निर्देशक राईले जानकारी दिए ।

फिल्ममा धीरज मगर, मिरुना मगर, दीया पुन, सुनिल थापा, कविता आले, पुस्कर गुरुङ, अभयराज बराल, उदय सुब्बा, बुद्धि तामाङ, रजनी गुरुङ, विशाल लिम्बु र सुवाससिंह ठकुरीको अभिनय हुनेछ ।

अनमोल गुरुङ र तोरेम्पा हाङ राईले संगीत संयोजन गर्ने फिल्ममा राजेशपायल राई, अस्मिता अधिकारी, झुमा लिम्बु, अनमोल गुरुङले स्वर दिनेछन् । छायांकन सौरभ लामाले गर्नेछन् ।

‘तक्मे प्रोडक्सन’को ब्यानरमा निर्माण हुन लागेको यो पहिलो फिचर फिल्म हो ।