नेपाल प्रेस युनिनयको केन्द्रीय समिति बैठक सुरू

विधान संशोधन र केन्द्रीय महाधिवेशनको मिति तोकिने

अनलाइनखबर

२०८२ साउन ४ गते १०:३०

News Summary

Generated by OK AI. Editorially reviewed.

नेपाल प्रेस युनियनको केन्द्रीय समितिको बैठक काठमाडौंको थापागाउँस्थित कार्निभल रेष्टुरेन्टमा सुरू भएको छ।
बैठकमा तीन वर्षे कार्यकालको समीक्षा, पदावधि थप, शाखा र प्रदेश अधिवेशन मिति तोक्ने, विधान संशोधन र सदस्यता शुद्धीकरण विषयमा छलफल हुनेछ।
केन्द्रीय अध्यक्ष शिव लम्सालले केन्द्रीय महाधिवेशन जेठमा गर्ने गरी तयार गर्नु पर्ने बताएका छन्।

४ साउन, काठमाडौं । लोकतान्त्रिक पत्रकारहरूको छाता संगठन नेपाल प्रेस युनियनको केन्द्रीय समितिको बैठक सुरू भएको छ ।

काठमाडौंको थापागाउँस्थित कार्निभल रेष्टुरेन्टमा प्रेस युनियनको केन्द्रीय समितिको बैठक सुरू भएको हो ।

बैठकमा युनियनका वरिष्ठ उपाध्यक्ष प्रेम केसीले स्वागत गरेका छन् । साथै युनियनको मनोनीत सल्लाहकारहरू तेज प्रकाश पण्डित, विपुल पोखरेल तथा केन्द्रीय समिति सदस्यहरू पाेषनाथ अधिकारी, विनोद कुमार मल्ल, रवीन्द्र सिंह, जितबहादुर भण्डारी, प्रदिप पन्त, दिपेन्द्र बस्नेत र शिव देवकोटालाई स्वागत गरिएको छ।

युनियनको केन्द्रीय समितिको बैठकमा तीन वर्षे कार्यकालको समीक्षा, कार्यसमितिको पदावधि थप, शाखा, प्रदेश अधिवेश र केन्द्रीय अधिवेशनको मिति तोक्‍ने, विधान संशोधन तथा विधान सभाको आयोजना, सदस्यता शुद्धीकरण लगायतका विषयमा छलफल हुनेछ।