News Summary
Generated by OK AI. Editorially reviewed.- जिल्ला प्रशासन कार्यालय कास्कीले आज साँझ ४ बजेदेखि सिद्धार्थ राजमार्गमा लामो दुरीका सवारी साधन चलाउन रोक लगाएको छ।
- छोटो दुरीका सवारी साधनहरू साँझ ५ बजेपछि सिद्धार्थ राजमार्गमा सञ्चालन गर्न नपाइने प्रशासनले जनाएको छ।
- भारी वर्षाका कारण मानवीय तथा भौतिक क्षति न्यूनीकरणका लागि यस्तो निर्णय गरिएको प्रशासनले स्पष्ट पारेको छ।
४ साउन, काठमाडौं । जिल्ला प्रशासन कार्यालय कास्कीले आइतबार साँझदेखि सिद्धार्थ राजमार्गमा सवारी साधन चलाउन रोक लगाएको छ ।
कास्कीको छोरेपाटनबाट सिद्धार्थ राजमार्ग भएर लामो दुरीका सवारी साधन आज साँझ ४ बजे र छोटो दुरीका सवारी साधन साँझ ५ बजेबाट चलाउन प्रशासनले रोक लगाउने निर्णय गरेको हो ।
कास्की जिल्लाका विभिन्न स्थानमा शनिबार रातिदेखि भारी तथा मध्यम वर्षा भइरहेको र अझै केही दिन भारी वर्षा हुन अनुमान जल तथा मौसम विज्ञान विभागले गरेकोले सुरक्षा सतर्कताका लागि सवारीसाधन सञ्चालनमा रोक लगाइएको प्रशासनले जनाएको छ ।
‘…मानवीय तथा भौतिक क्षति न्यूनीकरणका लागि जिल्ला सुरक्षा समिति, स्याङ्जासँगको समन्वय र जिल्ला प्रशासन कार्यालय, स्याङ्जाबाट जारी सूचना समेतका आधारमा जिल्ला सुरक्षा समिति, कास्कीको ४ साउनको निर्णयानुसार कास्की जिल्लाबाट स्याङ्जा हुँदै सिद्धार्थ राजमार्ग भई चल्ने अत्यावश्यक सेवा बाहेकका लामो दुरीका सवारी साधनहरू ४ साउन साँझ ४ बजेपछि र छोटो दुरीका सवारी साधनहरू साँझ ५ बजेपछि प्रस्थान बिन्दु (कास्की जिल्लाको छोरेपाटन ) बाट गन्तव्य स्थानका लागि सञ्चालन नगर्नु नगराउनुहुन र अत्यावश्यक बाहेकका सवारी साधन सञ्चालन गर्नुपर्ने अवस्थामा नजिकको सुरक्षा निकायसँग समन्वय गरी सञ्चालन गर्नु गराउनुहुन सम्बन्धित सबै सरोकारवालाहरुमा हार्दिक अनुरोध गर्दछौँ’ प्रशासनले जारी गरेको सूचनामा छ ।
हेर्नुहोस् सूचना :
यो खबर पढेर तपाईलाई कस्तो महसुस भयो ?
खुसी
दुःखी
अचम्मित
उत्साहित
आक्रोशित
प्रतिक्रिया
Hot Properties
.jpg "House on sale")
प्रतिक्रिया 4