२०८२ साउन १४ गते ११:२५ 
News Summary
Generated by OK AI. Editorially reviewed.- युवा तथा खेलकुदमन्त्री तेजुलाल चौधरीले नेपाल ओलम्पिक कमिटीको तदर्थ समिति छिट्टै गठन गर्ने बताएका छन्।
- प्रधानमन्त्री केपी शर्मा ओलीले नयाँ ओलम्पिक कमिटी गठन गर्ने निर्देशन दिएका छन्।
- मन्त्री चौधरीले प्रधानमन्त्रीको निर्देशन अनुसार ओलम्पिक विवादबारे चाँडै पत्रकार सम्मेलन गर्ने बताएका छन्।
१४ साउन, काठमाडौं । युवा तथा खेलकुदमन्त्री तेजुलाल चाैधरीले नेपाल ओलम्पिक कमिटीको तदर्थ समिति छिट्टै गठन गर्ने बताएका छन् ।
बुधबार नेपाल एथ्लेटिक्स संघको साधारण सभा तथा निर्वाचन कार्यक्रमको उद्घाटन कार्यक्रमलाई सम्बोधन गर्दै मन्त्री चाैधरीले ओलम्पिक कमिटीको नयाँ समिति गठन गर्ने बताएका हुन् ।
उनले नेपाल ओलम्पिक कमिटीमा देखिएको विवादको विषयमा प्रधानमन्त्रीको निर्देशन अनुसार नै ओलम्पिक कमिटीको तदर्थ समिति गठन गर्न लागेको जानकारी दिए ।
आइतबार राति २२ खेल संघ र युवा तथा खेलकुद मन्त्री चाैधरीले प्रधानमन्त्री केपी शर्मा ओलीलाई भेट गरी ओलम्पिक विवादबारे जानकारी गराएका थिए ।
त्यसमा प्रधानमन्त्रीले नयाँ ओलम्पिक कमिटी नै गठन गर्ने निर्देशन दिएको सहभागीहरूले बताएका थिए ।
खेलकुदमन्त्रीले पनि प्रधानमन्त्रीको निर्देशनबारे चाँडै पत्रकार सम्मेलन गरेर सबै जानकारी गराउने बताएका थिए ।
तर एथ्लेटिक्स संघको निर्वाचन कार्यक्रमलाई सम्बोधन गर्ने क्रममा मन्त्री चाैधरीले ओलम्पिक कमिटीको तदर्थ समिति गठन गर्ने बताएका हुन् ।
प्रतिक्रिया 4