
News Summary
Generated by OK AI. Editorially reviewed.- माइकल ज्याक्सनले सन् १९९७ मा फ्रान्सको निमेसमा लगाएको फोहोर मोजा फ्रान्समा ८००० अमेरिकी डलरमा बिक्री भएको छ।
- मोजा ज्याक्सनको ’हिस्ट्री वल्र्ड टुर’को क्रममा लगाइएको र स्टेज प्राविधिकले दशकौंसम्म सुरक्षित राखेको थियो।
- लिलामीकर्ताले मोजालाई माइकल ज्याक्सनका प्रशंसकका लागि ‘कल्ट’ वस्तु भएको उल्लेख गरेका छन्।
पेरिस । दिवगंत पपस्टार माइकल ज्याक्सनको पुरानो र फोहोर मोजा लाखौंमा बिक्री भएको छ । चम्किलो क्रिस्टल जडित यो मोजालाई बुधबार फ्रान्समा बिक्री गरिएको छ ।
पपस्टारले फ्रान्सको नाइसमा आयोजित एक कन्सर्टमा यो मोजा लगाएका थिए, जुन अहिले लाखौंमा बिक्री भएको छ । लामो समयदेखि त्यहाँ रहेको हुनाले यो चम्किलो मोजामा पहेँलोपन र दागहरू देखिन्थे ।
साथै, लिलामीकर्ताले यसलाई ३,४००-४,५०० डलरसम्म बेच्ने अपेक्षा गरिरहेका थिए । प्रशंसक र अनौठा चीज संकलन गर्न इच्छा राख्ने व्यक्तिले महंगो मूल्यमा यसलाई खरिद गरे ।
ज्याक्सनको यो फोहोर र प्रयोग गरिएको मोजा गत बुधबार फ्रान्समा भएको लिलामीमा ८००० अमेरिकी डलरमा विक्री भएको थियो ।
लिलामीकर्ता औरोर इलीले एएफपीलाई बताएअनुसार माइकलले सन् १९९० को दशक (१९९७) मा फ्रान्सको निमेसमा भएको एक संगीत कार्यक्रमको क्रममा मोजा लगाएका थिए ।
यसलाई जुलाई ३०, २०२५ मा फ्रान्समा लिलामीको लागि पनि राखिएको थियो । पपस्टारले सन् १९९७ मा आफ्नो ’हिस्ट्री वल्र्ड टुर’को क्रममा यी मोजा लगाएका थिए ।
’हिस्ट्री वल्र्ड टुर’ प्रस्तुति पछि, एक स्टेज प्राविधिकले ज्याक्सनको ड्रेसिङ रुम नजिकै मोजा फ्याँकिएको भेट्टाए । स्टेज पछाडि फेला परेपछि प्राविधिकले मोजा दशकौंसम्म सुरक्षित राखेका थिए ।
लिलामीकर्ताले मोजालाई असाधारण र माइकल ज्याक्सनका प्रशंसकका लागि एक ‘कल्ट’ वस्तु भएको बताए, जसले ज्याक्सनका प्रशंसकको खजानाको मूल्य देखाउँछ ।
ज्याक्सनले ’बिली जीन’को प्रस्तुतिको क्रममा यी एथलेटिक मोजा लगाएका थिए, जुन यस भिडियोमा देख्न सकिन्छ । ज्याक्सनको मृत्यु सन् २००९ मा ५० वर्षको उमेरमा लागूपदार्थको ओभरडोजका कारण भएको बताइन्छ ।
प्रतिक्रिया 4