‘शार्क ट्यांक नेपाल’मा १७ वर्षिय किशोरलाई मागेको भन्दा दोब्बर लगानी

News Summary

Generated by OK AI. Editorially reviewed.

१७ वर्षिय रौनक खनालले ‘टी पसल’को लागि २५ प्रतिशतमा २५ लाख लगानी माग्दा ५० लाख रुपैयाँ ५० प्रतिशत इक्विटीमा जुटाएका छन्।
बुधबारको एपिसोडमा लेमन ग्रासले २० प्रतिशत इक्विटीमा १ करोड र ‘बाटो’ म्यापले ४० प्रतिशत एक्सचेन्जमा २ करोड ४० लाख रुपैयाँ लगानी प्राप्त गरेका छन्।
‘शार्क ट्यांक नेपाल’को पहिलो महिना २१ करोडभन्दा बढी लगानी जुटिसकेको छ र बुधबारको एपिसोडबाट मात्र ३ करोड ४० लाख रुपैयाँ लगानी भएको छ।

काठमाडौं । ‘शार्क ट्यांक नेपाल’को पछिल्लो एपिसोडमा १७ वर्षिय एक किशोरले मागेभन्दा दोब्बर लगानी प्राप्त गरेका छन् ।

सेन्ट जेभियर्स कलेज जावलाखेलका विद्यार्थी रौनक खनालले आफ्नो इकमर्स प्लाटफर्म ‘टी पसल’ पिच गरेका थिए । उनले २५ प्रतिशत इक्विटीमा २५ लाख लगानी मागेका थिए ।

उनले आफ्नो ब्राण्डलाई विश्वब्यापीरुपमा ग्लोबल फेसनको रुपमा स्थापित गर्न चाहेको बताएका थिए । लगत्तै, शार्क क्याबिनेट श्रेष्ठले खनालको प्रस्तावलाई स्वीकारेका थिए ।

अन्तिममा ३ जना शार्क क्याबिनेट, हेमराज ढकाल र आनन्द बगरिया मिलेर ५० प्रतिशत इक्विटीमा ५० लाख रुपैयाँ लगानीको प्रस्ताव गरे र सोही प्रस्तावमा डिल भयो ।

बुधबारको एपिसोडमा लेमन ग्रास प्रोडक्सन कम्पनीले २० प्रतिशत इक्विटीमा १ करोड रुपैयाँ लगानी जुटायो । नेपाली म्यापिङ प्लाटफर्म ‘बाटो’ म्यापले ४० प्रतिशत एक्सचेन्जमा २ करोड ४० लाख रुपैयाँ लगानी प्राप्त गर्‍यो ।

बुधबारको एपिसोडबाट मात्र ३ करोड ४० लाखको लगानी जुट्यो ।

विहिबारको एपिसोडमा १७ वर्षिय रौनक खनालको ५० लाख जुटेसँगै सोही एपिसोडमा जागृती सीप केन्द्रले १० लाखको लगानी प्राप्त गर्‍यो ।

पहिलो महिना ‘शार्क ट्यांक नेपाल’मा २१ करोडभन्दा धेरै लगानी जुटिसकेको छ ।