स्थलमार्गबाट भित्रिने पर्यटक सहजीकरण गर्न पर्यटन सेवा केन्द्र खोलिने

News Summary

Generated by OK AI. Editorially reviewed.

सरकारले स्थलमार्गबाट नेपाल भित्रिने पर्यटक आवागमन व्यवस्थित गर्न पर्यटन सेवा केन्द्र स्थापना गर्ने निर्णय गरेको छ।
राष्ट्रिय विकास समस्या समाधान समितिले तीन महिनामा अध्ययन गरी प्रतिवेदन बुझाउने गरी समिति गठन गरेको छ।
संस्कृति, पर्यटन तथा नागरिक उड्डयन मन्त्रालयले प्रतिवेदनका आधारमा निर्देशिका र कार्यान्वयन योजना बनाउनेछ।

१६ साउन, काठमाडौं । सरकारले स्थलमार्गबाट नेपाल भित्रिने पर्यटक आवागमन व्यवस्थित, सहज र प्रवद्र्धन गर्न पर्यटन सेवा केन्द्र स्थापना गर्ने भएको छ ।

राष्ट्रिय विकास समस्या समाधान समितिको ५४औं बैठकले तीन महिनाको समय दिएर उक्त प्रयोजनका लागि अध्ययन गर्ने निर्णय गरेको छ ।

आवश्यक संरचना, सहज प्रक्रिया, एकीकृत अभिलेख व्यवस्थापन र सेवा सहजीकरणमा सम्बन्धित निकायबीच प्रभावकारी सहकार्य, समन्वय र साझा दृष्टिकोण तथा संरचना र कार्यविधि बनाउने सन्दर्भमा आवश्यक नीतिगत प्रस्ताव गर्न समिति गठन गरिएको छ ।

राष्ट्रिय योजना आयोगका सदस्यको नेतृत्वमा सरोकारवाला निकाय सम्मिलित समितिले ३ महिनाभित्र प्रतिवेदन बुझाउने गरी तोकिएको छ ।

प्रतिवेदनका आधारमा संस्कृति, पर्यटन तथा नागरिक उड्डयन मन्त्रालयले निर्देशिका र कार्यान्वयन योजना बनाउने छ । नेपाल पर्यटन बोर्डको सहजीकरणमा प्रमुख सीमा नाकामा पर्यटन सेवा केन्द्र स्थापना गरिने समितिको निर्णयमा उल्लेख छ ।