२०८२ भदौ ११ गते २१:०३ 
News Summary
Generated by OK AI. Editorially reviewed.- नेपाली क्रिकेट टोलीले बिहीबार साउथ अस्ट्रेलिया टोलीसँग दुई अभ्यास टी-२० खेल्दै छ।
- पहिलो खेल विहान पौने ६ बजे र दोस्रो खेल पौने १० बजे सुरु हुनेछ।
- नेपालले मंगलबार अस्ट्रेलियन क्यापिटल टेरिटोरीलाई हराएको थियो।
११ भदौ, काठमाडौं । अस्ट्रेलिया टुरमा रहेको नेपाली क्रिकेट टोलीले बिहीबार अस्ट्रेलियाको साउथ अस्ट्रेलिया टोलीसँग दुई अभ्यास टी-२० खेल्दै छ ।
पहिलो खेल विहान सवा ५ बजेदेखि तथा दोस्रो खेल विहान सवा ९ बजेदेखि हुनेछ ।
साउथ अस्ट्रेलियाको टोली अस्ट्रेलियन शेफिल्ड शिल्डको च्याम्पियन टोली हो । यस टोलीमा ट्राभिस हेड, एलेक्स क्यारी, स्पेन्सर जोनसोनजस्ता अस्ट्रेलियाका राष्ट्रिय खेलाडीहरू खेल्ने भएपनि भोलिको खेलमा भने उपलब्ध छैनन् ।
यद्यपी डोमेस्टिक क्रिकेटमा खेलेका अनुभवी खेलाडीहरू खेल्न सक्ने सम्भावना छ ।
नेपालले यसअघि मंगलबार भएको दुई अभ्यास खेलमा नेपालले अस्ट्रेलियन क्यापिटल टेरिटोरीलाई हराएको थियो ।
त्यसअघि नेपालले डार्विनमा भएको टप एन्ड टी-२० सिरिजमा पनि सहभागिता जनाएको थियो जहाँ ६ मध्ये २ खेल मात्र जितेर आठौं भएको थियो ।
नेपालले यसपछि शनिबार साउथ अस्ट्रेलियासँग वान डे म्याच पनि खेल्नेछ ।
प्रतिक्रिया 4