२०८२ भदौ १३ गते १२:५५ 
News Summary
Generated by OK AI. Editorially reviewed.- नेपाल 'ए' ले गुवाहाटीमा दोस्रो टी-२० खेलमा २० ओभरमा ७ विकेट गुमाएर १७३ रन बनाएर आसामलाई १७४ रनको लक्ष्य दिएको छ।
- नेपाल 'ए' का सन्दीप जोराले सर्वाधिक ३५ रन बनाए भने देव खनाल र पवन सर्राफले समान ३१ रन बनाए।
- आसामले दिएको १९१ रनको लक्ष्य पछ्याएको नेपाल 'ए' ले वर्षाका कारण खेल रोकिएको छ र कुल ५ खेल खेल्नेछ।
१३ भदौ, काठमाडौं । भारतको गुवाहाटीमा जारी नेपाल ‘ए’ र आसामबीचको टी-२० सिरिजअन्तर्गत दोस्रो खेलमा नेपाल ए ले आसामलाई प्रतिस्पर्धात्मक लक्ष्य दिएको छ ।
टस जितेर पहिले ब्याटिङ गरेको नेपाल ए ले २० ओभरमा ७ विकेट गुमाएर १७३ रन बनाउँदै आसामलाई १७४ रनको लक्ष्य प्रस्तुत गरेको हो ।
नेपाल ए का लागि सन्दीप जोराले सर्वाधिक ३५ रन बनाए । देव खनाल र पवन सर्राफले समान ३१ रन बनाए । बसिर अहमदले २७ रन तथा विवेक यादव २६ रनमा अविजित रहे ।
आसामका आकाश सेनगुप्ताले ४ ओभरमा २५ रन दिएर ३ विकेट लिए । अभिनव चौधरीले २ तथा आयुष्मान मलाकार र अभिलाष गोगोइले १-१ विकेट लिए ।
यसअघि बिहीबार भएको पहिलो खेलमा नेपाल ‘ए’ डीएल पद्धति अनुसार १५ रनले पराजित भएको थियो ।
आसामले दिएको १९१ रनको लक्ष्य पछ्याएको नेपाल ‘ए’ ले ८ ओभरमा ३ विकेट गुमाएर ६४ रन बनाएको अवस्थामा वर्षा भएपछि खेल त्यसपछि सुरु हुन सकेन
नेपाल ए दे आसामसँग कुल ५ खेल खेल्नेछ । यसपछिका ३ खेलहरू एसीए रंगशालामा डे/नाइट रूपमा फ्लडलाइटमा खेलिनेछ ।
प्रतिक्रिया 4