इम्बार्क कलेजले ल्यायो नयाँ ‘वर्क-स्टडी’ र ‘स्टार्टअप क्षमता विकास कार्यक्रम’

१३ भदौ, काठमाडौं । नेपालमा व्यावसायिक शिक्षा र रोजगारी खाडललाई हटाउँदै इम्बार्क कलेजले दुई वटा महत्त्वपूर्ण कार्यक्रम घोषणा गरेको छ ।

कलेजले ‘व्यावहारिक सिप तालिम (अप्रेन्टिससिप) कार्यक्रम’ र ‘नवप्रवर्तन’ (स्टार्टअप) क्षमता विकास कार्यक्रम’ घोषणा गरेको हो ।

यी कार्यक्रम नेपालका भविष्यका व्यावसायिक नेतृत्वहरू विकास गर्न, रोजगारी सुनिश्चित गर्न र उद्यमशीलता प्रवर्द्धन गर्न उद्देश्यले घोषणा गरिएका हुन् ।

इम्बार्क कलेजका कार्यकारी निर्देशक तथा प्रमुख कार्यकारी अधिकृत (सीईओ) आशिष ठाकुरले भने, ‘यो कार्यक्रमले स्नातकहरूले शैक्षिक जीवनपछि व्यावसायिक जीवनमा प्रवेश गर्दा हुने अनिश्चितता अन्त्य गर्छ । हामीले व्यावसायिक शिक्षालाई प्रत्यक्ष उद्योगसँग जोडेर नेपालमा करियर–रेडी शिक्षाको नयाँ मापदण्ड स्थापित गरेका छौं ।’

यस अप्रेन्टिससिप कार्यक्रमले नेपालका प्रमुख तथा नवीन उद्योग र उद्यमहरूसँगको साझेदारी मार्फत योग्य स्नातकहरूलाई रोजगारी सुनिश्चित गर्छ । सहभागी कम्पनीहरूले संरचित तालिम आवश्यकताको मूल्यांकन अनुसार रोजगारीको अवसर प्रदान गरिने छ ।

कार्यक्रमका विशेषतामा पूर्वनियोजित संरचना, व्यावसायिक परामर्श, नियमित मूल्यांकन र दीर्घकालीन साझेदारी सम्झौता समावेश छन्, जसले उद्योगलाई दक्ष जनशक्ति र विद्यार्थीलाई सुनिश्चित करियर मार्गदर्शन दिन्छ ।

इम्बार्कले सुरु गरेको स्टार्टअप क्षमता विकास कार्यक्रमले कानुनी रूपमा दर्ता भई १० वर्षभन्दा कम समय सञ्चालन भएका तथा वार्षिक कारोबार १५ करोडभन्दा कम भएका नवप्रवर्तन व्यवसायहरूलाई लक्षित गरेको छ ।

यस कार्यक्रमले नेपाल सरकारको राष्ट्रिय स्टार्टअपनीति २०८० र औद्योगिक उद्यम ऐन २०७६ सँग मेल खाने गरी नवप्रवर्तनशील व्यवसायलाई सहयोग प्रदान गर्छ । प्राथमिकता दिइने व्यवसायमा नवप्रवर्तन, मापन योग्यता र बजार प्रभाव भएका स्टार्टअप पर्छन् ।

सीईओ ठाकुरका अनुसार नेपालमा उद्यमशीलताको सम्भावना अपार छ, तर रणनीतिक स्रोतसम्मको पहुँच सीमित छ ।यो कार्यक्रमले नवप्रवर्तनलाई दिगो व्यवसायमा रूपान्तरण गर्न समग्र क्षमता विकासमा जोड दिन्छ ।

यी दुई कार्यक्रमले नेपाल सरकारको नीति अनुरूप समृद्ध उद्यमशील पारिस्थितिकतन्त्र निर्माणमा टेवा पुर्‍याउने अपेक्षा गरिएको छ ।

अप्रेन्टिससिप कार्यक्रम

उद्योगका लागि दक्ष जनशक्ति, विद्यार्थीका लागि सुनिश्चित रोजगारी ।

स्टार्टअप कार्यक्रम

आयातमा निर्भरता घटाउँदै, स्वदेशी नवप्रवर्तन र प्रविधि क्षमता विकास ।

आवेदन प्रक्रिया, अप्रेन्टिससिप कार्यक्रम

सीप मूल्यांकन

इम्बार्क कलेजको प्रमाणीकृत शैक्षिक तथा सीपमूलक कागजात

संरचित अन्तर्वार्ता मार्फत व्यावसायिक मूल्यांकन

स्टार्टअप कार्यक्रमका लागि

कानुनी दर्ता प्रमाणपत्र र वित्तीय विवरण

नवप्रवर्तन दर्शाउने व्यवसाय योजना

परीक्षण समीक्षा

ललितपुर पुल्चोकस्थित इम्बार्क कलेज अन्तर्राष्ट्रिय व्यवसाय शिक्षामा अग्रणी संस्था हो, जसले बीएससी, बिजनेस म्यानेजमेन्ट, एमबीबीए र एसीसीए कार्यक्रमहरू सञ्चालन गर्दै आएको छ । कलेजको मुख्य उद्देश्य नेपालको आर्थिक विकास र नवप्रवर्तन अघि बढाउने व्यावसायिक नेतृत्व उत्पादन गर्नु हो ।