एफटीटीआर/आईपीभी६ प्रविधिसाथ प्रमुख सहरमा एननेट (पर्पल)  इन्टरनेट र आईपीटीभी सेवा सुरु

१३ भदौ, काठमाडौं । नेपाल दूरसञ्चार प्राधिकरणबाट अनुमतिप्राप्त इन्टरनेट र नेटवर्क सेवा प्रदायक कम्पनी एननेट (पर्पल) ले नेपालभरिका रिटेल र इन्टरप्राइज ग्राहकका लागि अत्याधुनिक एफटीटीआर प्रविधिबाट वाइफाई सिक्स राउटरका साथै आईपीभी६ प्रविधिबाट सेवा सुरु गरेको छ ।

यो आईपीभी६ प्रविधि भनेको अहिले र भविष्यमा चलाइने महत्त्वपूर्ण सेवा हो । यो प्रविधिलाई दूरसञ्चार प्राधिकरणले पनि अनिवार्य गरिसकेको छ ।

यो सेवा क्रमश: देशका सम्पूर्ण सहरी, पहाडी, दुर्गम तथा हिमाली क्षेत्रका रिटेल तथा इन्टरप्राइज (शिक्षा, स्वास्थ्य, वित्तीय संस्था, होटल, सरकारी कार्यालय, गैरसरकारी तथा अन्तर्राष्ट्रिय गैरसरकारी संस्था लगायत) ग्राहक लक्षित गरी उच्चस्तरीय इन्टरनेट र आईपीटीभी सेवा सञ्चालनमा ल्याउन लागिएको कम्पनीले जनाएको छ ।

कम्पनीले दसैं, तिहार र छठका अवसरमा सुरुवाती अफर अन्तर्गत रिटेल ग्राहकका लागि १५ प्रतिशतसम्म छुट र तीन महिनासम्म बोनस दिने योजना ल्याएको छ भने अझै एसएमई प्याकेज लिन चाहनेका लागि भने ५० प्रतिशतसम्म छुट र तीन महिनासम्म बोनसका साथै ‘मूल्य कम, ब्यान्डविथ स्पिड दोब्बर’ गरिदिने जनाएको छ ।

कम्पनीको नारा ‘एननेट सधैं सँगै’ राखिएको छ । यो नारा अनुसार नै सधैं आफ्ना ग्राहकलाई सधैं सँगै भएर उच्चस्तरीय प्रविधिको सेवा दिने कम्पनीको योजना छ ।