विश्वप्रसिद्ध सेलो वादकले कभर गरे ‘रुकुम मैकोट’

News Summary

Generated by OK AI. Editorially reviewed.

टू सेलोसका स्टेपन हाउसरले नेपाली गीत रुकुम मैकोटको सेलो कभर गरेका छन्।
हाउसरले आफ्नो सामाजिक सञ्जालमा छोटो कभर भिडिओ शेयर गरेका छन्।
रुकुम मैकोट युट्युबमा सबैभन्दा छिटो १० करोड भ्युज पाउने पहिलो नेपाली गीत बनेको थियो।

टू सेलोस (2CELLOS) नामक साँगीतिक समूहका स्टेपन हाउसरले नेपाली गीत रुकुम मैकोटको सेलो कभर गरेका छन् । क्रोएसियाका विश्व प्रशिद्व सेलोवादक हाउसरले ‘खुस्मा’ फिल्ममा समावेश पार्श्वगीत ‘रुकुम मैकोट’को सेलो कभर गरेका हुन् ।

हाउसरले कभर भिडिओ छोटो बनाएका छन् । जसलाई उनले आफ्नो विभिन्न सामाजिक सञ्जालमा शेयर गरेका छन् ।

हाउसरले टू सेलोसको सदस्यको रूपमा संसारभरका धेरै ठूला कन्सर्ट स्थलहरूमा प्रस्तुति दिएका छन् । ती मध्ये केही मुख्य स्थलहरूमा लन्डनको रोयल अल्बर्ट हल, न्यूयोर्कको म्याडिसन स्क्वायर गार्डेन र सिड्नीको सिड्नी ओपेरा हाउस जस्ता प्रसिद्ध स्थानहरू पर्छन्।

हाल भने उनी सोलो संगीतमा लागेका छन् ।

एसडी योगीद्वारा संगीतबद्ध रुकुम मैकोट रिलिजताका युट्युबमा सबैभन्दा छिटो १० करोड भ्युज पाउने पहिलो नेपाली गीत बनेको थियो । त्यससँगै निकै लामो समय रुकुम मैकोट युट्युबको ग्लोबल ट्रेन्ड्रिङमा परेको थियो ।